ضمني وخليك مسافر بين ضلوعي
قد عمري............ قد عمرك
ولا اقولك؟؟ ......... قد ماتكفيك دموعي
دوب في جلدي
وخلي جلدك يحتويني
نفسي أحسك جوا حضني
واما اضمك........... نفسي أحس إن إنت مني
نفس أسكن بين ضلوعك قد ما أقدر
نفسي أتوه لحد ما أكبر
قد نهر النيل وأكبر
إبقي مني ......... لو هتقدر
........... جوا حضنك
نفسي أنسي الكون ومواله الحزين
نفسي أرجع طفلة وأهرب م الجراح ومن الأنين
أنسي إسمي ويوم ميلادي وأبقي مين
نفسي أرجع أتولد منك جنين
.............. لو هتقدر
ضمني وخليك في حضني قد ماتكفيك سنين
هناك 21 تعليقًا:
لا لا لا لا
اتقلي شوية بقى
انت كده هتظلمي
"على شفتيك"
في الكومنتات
وبصراحة هي احلى بكتير
انا رأيي
انك تعملي
edit post - posting option
وغيري الساعة
خلي
"على شفتيك"
تبقى الاولى من فوق
او اعملي لينك ل
"على شفتيك"
في البوست الجديد
هما مش بيردوا على بعض
!!!
تؤتؤتؤتؤ...هو الكلام ده كمان أون لاين؟؟؟
إيه يا جميل...إمال فين بئه...إمرأه ليست مثل جميع نساء الدنيا...و بعدين مش هو ده القرصان برضه...إللي كان بيتمنى الرضا من شويه في " على شفتيك" ...إيه اللي حصل...لحق ينوله؟؟؟ كنتى سيبيه يتبهدل شويه...و بعدين الصوره...تؤتؤتؤتؤ
مش عاتقه حد انتي يا مي
لا شعر عامي ولا شعر عمودي
أنسي إسمي ويوم ميلادي وأبقي مين
نفسي أرجع أتولد منك جنين
حلوه قويييييييييييي
نفسي أنسي الكون ومواله الحزين
نفسي أرجع طفلة وأهرب م الجراح ومن الأنين
فيها شجن جميييييييل
و طبعا الصورة دي رائعه
طول عمري بحب الشعر اللي يخليني أتنح
هيييه انا متنح
أتوه لحد ما أكبر
---------------
الشطره دي فيها فلسقه عاليه جدا يا مي
عارفه انك تايهه
بس عارفه انك فيوم هتكبري وهتلاقي الطريق
حمد الله ع السلامه مقدما
مي عزيزتي
اعجزتيني عن الرد فحكتفي بالاستمتاع
هناك مرحلة من الابداع حيث بعدها يقال
لا تعليق
تحياتي
العزيز " شادي"0
ولا ظلم ولاحاجه.........القصيدة دي عندي أهم لأنها عن لساني ..... أما " علي شفتيك" فمجرد خيال
وعموما كويس ان القصيدة دي استفزتك تقول رأيك في " علي شفتيك"لانك هناك في الكومنت قلتلي انك ضحكت وبس لكن ماقولتش احساسك بيها
سلامة
سلامتك من التتنيح...........يقطعني
والله انت بجد متعرفش غلاوتك انت وكومنتاتك عندي من كتر مابتشجعني
تشكرات افندم
أبو عقرب
الله يسلمك.......... بس اللي انت ما أخدتش بالك منه اني لما اكبر والاقي الطريق هيكون الطريق ده جوا حضنه برضه بس الفرق اني هكون عرفت فعلا اني مليش طريق غيره
هعتبر " حمدالله ع السلامة" ترحيب بيا وانا داخله حضنه وانا واعية مش جنين
شكرا ومانتحرمش من لفتاتك
حفصوتشا
تسلميلنا ياست الكل
مش عارفة والله اقولك ايه لان بجد دايما تعليقك بيفرق معاي_مع احترامي للجميع طبعا_علشان كدة بجد بشكرك علي رايك
موني العزيزة
أولاً وقبل اي حاجة...انتي وحشتيني جدا .فينك من ايام العيد لاكتبتي جديد ولازرتي المدونات وشرفتيها بتعليقاتك
حمدالله ع السلامة
ثانيا:_كلمة" تؤتؤتؤتؤ"معرفش ليه حسيتها منك بمذاق طفولي برئ وكان كلمات القصيدة حاولت تجرح البراءة دي
ثالثا:_ايه المقصود بكلمة " الكلام ده برضه اون لاين"؟فيه في القصيدة حرف" باء" عريان ولامبين رجليه ولا حرف " لام" مايص"؟؟ لو فيه قوليلي وانا اربيهم...حروف اّخر زمن
رابعاً:_ليه بتربطي كتاباتي ببعضها.....كل حاجه ليها احساس منفصل الا اذا انا اظهرت علاقة بينهم وما افتكرش ان الشرط ده توافر بين القصايد اللي انتي زكرتي كلام منها.....وعلي العموم زى مابيقولوا" المعني في كرش ....قصدي بطن الشاعر
خامسا:_الصورة مالها ياباشا .والله اعلم انا شفتها قبل كده في " لوموند ديبلوماتيك" وكان _اللهم احفظنا _ تحتها اسم مكلكع تقريبا اسم الرسام اللي ابدعها
سادساً:_ اللي استشفيته من كلامك ان القصيدة مش عجبتك علشان كده في ليكي عندي اقتراح...........ايه رايك تستبدلي تعليقك المرهق اللي كله شجب واعتراض ده بكلمة واحد ألا وهي " كخ"0
في انتظار الرد
اية ده ؟؟؟؟
اية يا بنتي الكلام ده ؟؟؟
ده احلى كلام عشق سمعته ف حياتي
يا بختة بقى
بجد مش لاقى اى كلام اعبر بية
حلوة قوى و جدا و خالص
ربنا يوفقك و يسعدك
أولا...ميرسي ربنا يخليكي...بس أنا وحيي غايب عني اليومين دول
ثانيا...حسيتيها نص الصح...بمذاق طفولي اه...بس مش برئ
ثالثا...ده تعليق على إنه بوست ساخن
رابعا...أنا ذكرتها بروح دعابه واضحه جدا للإختلاف ما بينهم و الأوضح إنها فشلت في وصولها ليكي
خامسا...الصورة غريبه...لا حلوة ولا وحشه...أنا لما شوفتها قلت تؤتؤتؤتؤ...فإعتبرته رأيي و كتبتهولك
سادسا...القصيده عجباني...و لو مش عجباني هقولك...يع
نفسي أنسي الكون ومواله الحزين
نفسي أرجع طفلة وأهرب م الجراح ومن الأنين
أنسي إسمي ويوم ميلادي وأبقي مين
نفسي أرجع أتولد منك جنين
ايه الروعة والجمال ده
الاخ شادى بيقولك هتظلمى على شفتيك واخرى التاريخ كده يا مى بالقصيدة دى انتى ظلمتى كل كتاباتك
هايلة اوى بجد ربنا يوفقك
dr_sindbad
مش عارفه اشكرك ازاي علي كومنتاتك اللي تفتح النفس دي......بجد مانتحرمش
تعرف...؟؟ يمكن دي أول حاجه اكتبها بعد" في الألبوم" وانا حساها بجد
انت اللي فاهمني
برضه في انتظار الميسدكول..ولا اقولك خليها" كلمني"0
يامى
ممكن تهدى شويه انا عاوز اقراه مدونت صديقى
اللى انا دخلت مدونتك من عنده
كده هيزعل منى
حلوه اوى
اوى
اوى
أسامة
اوعدك اني ههدا...وهتهد كمان ...لأني اساسا فاصله مشاعر وشبكة الاحاسيس عندي واقعه
وبعدين ادخل هناك بقي... انت عارفه اكتر مني مخه صعيدي" مع احترامي ليك وليه" وبيقفل جامد
شكرا
ايه ده
ايه ده
ايه ده
احنا هنلبخ ولا ايه
شكرا
أسامة
انت بتقفش كده ليه؟؟؟
انا اصلا من الفيوم...... يعني اقربلكم برضه
وبعدين ياباشا انت علي عينا وراسنا
وبتنورني بزيارتك والله
مانتحرمش
تانى بتقفش
على اساس الاقفال
اوكش
ههههههههههههههههه
انا بدحك معاكى اهههههههههههههه
ماشى
خدى راحتك خالص
طالما طلعنا بلديات
يابوا يابوا
باى باى
اسامة
عرفت بقي ان زيتنا في دقيقنا والموضوع ماخرجش برة
فكر بقي في المشروع اللي عرضته عليك
يابلدياتي
باي باي
ضمني وخليك مسافر بين ضلوعي
قد عمري............ قد عمرك
ولا اقولك؟؟ ......... قد ماتكفيك دموعي
بصى بقى
بجد بجد بجد انا اول مرة ادخل البلوجة بتاعتك
وانا بلف اتكعبلت فى الابيات دى
بجد معانيها حلوة اوى واحساسها عالى
تصدقى قليل اوى اللى بيكتب حلو كده
بجد هايل
ويارب تشرفينى بزيارتك
seef el3ashk
اولا ميرسي علي الزيارة الجميله وعلي التعليق الرقيق....حقيقي شرفتني
وشرفتني اكتر دعوتك ليا لزيارة مدونتك
إرسال تعليق