حلم

لا تسأل الأزهار عن ألوانها

لا تسأل الأحلام عن أحلامي

ماعاد للكلمات نفسُ عبيرها

قصص الهوى قد خاصمت أقلامي

ماعاد للعينين نفس بريقها

منذ إنطويت كحُلم في أيامي

دواير

سلم دواير...

نازلة فيه

سلم دواير...

بيلف بيا وألف بيه

لحظة جنون، لحظة غضب

وقرار رحيل من غير سبب.....

قبل الأوان ردوني ليه

سلم دواير....

علي كل أول سلمة .

بسرح شوية في وقت عدي وحلم مات

وأتخيل اليوم اللي فات

حاضن إيديا وحاضنه إيده وببتسم

إزاي بسرعة الحلم أصبح ذكريات؟!!

سلم دواير....

علي كل أول سلمة

تقرب نهاية المسرحية

مش بس أعرف قبل ما أمشي

مين كان بطل؟؟

مين الضحية؟؟

ولا إنكتب حتي الستاره علينا تنزل من سكات؟!!\

لا يوجد رد من الطرف الأخر

"أنا مش ناسي صوت العصفورة اللي كلمتني من سنتين"..... تلك هي الكلمات التي تردد صداها علي مسمعها حين عبرت أمام كابينة الهاتف..... تلك التي تحدثت إليه منها أول مرة.

أستوقفتها أمامها صورة في عينيها لهذا المشهد ..... تتذكر خفوت الضوء في ذلك النهار الخريفي الذي أوشك علي الإنتهاء ،، مرتبكة وهي تحدثه الي درجة قد تصل بها الي السذاجة ولكن صوته الدافئ إستطاع أن ينتزع منها توترها بل وينسيها لسعة البرد التي أحست بها خلف قميصها القطني. دقائق قليلة مضت وهي تحدثه وبعدها أغلقت سماعة الهاتف وفتحت أبواب قلبها علي مصراعيها لصاحب ذلك الصوت الدافئ.

وميض من الذكري يجتاح مشاعرها ، يستحضر أمام عينيها شريطا من اللحظات ، منذ أن سمعت جرس هاتفه عبر سماعة هذا الهاتف الذي تجمدت أمامه الاّن ، وحتي تلك اللحظة التي أنهت فيها محاولاتها للإتصال عليه دون جدوي وقد إتخذت قرارها بأن تمتثل لرغبته_غير المعلنة_ في الهدنة من الحب...... منتظرة أن يقطع هو تلك الهدنة حين يشتاق إلي نزال جديد.......... ولكن قد يكون هذا كمعجزةٌ قد لا تأتي أبداً.

تتملكها رغبة قوية في سماع صوته ، تقترب من الكابينة وتلتقط السماعه فهي في هذة اللحظة بالذات ليست أقوى من رغبتها ، ولكن قبل أن تحاول الإتصال عليه تضع السماعة من يدها بحزن عميق..... لقد أدركت أنها الاّن أضعف من أن تسمع من جديد............... "عفواً....لايوجد رد من الطرف الأخر"0

شباك قديم

من تحت شباك كنا فيه عديت بشوق

إحساسي بيه خلاني من غير ما أنتبه...... بصيت لفوق

بتخيل اليوم اللي شفتك وإنت واقف تبتسم

والدنيا كانت لوحه حلوة بتترسم

كان النهار غير النهار

وكأن _حتي الشمس_خرجت م المدار

إحساس غريب إن القدر.......0

من بعد أوجاع ضمنا..... وإدانا حق الإختيار

إنت وأنا.......0

إخترنا نسكن بعضنا

ننسي الزمن ...... ننسي المكان

إخترنا وبأسلوبنا إحساس بالأمان..... غير البشر

إحساس ماترسمهوش صور

إحساس أكيد م المستحيل إني أوصفه

أتحدي لو كل اللغات...0

وصلت لكلمةتعرّفه

يمكن عشان يشبه كتير......0

لحظة دفا تحت المطر

بصيت لشباكنا اللي مقفول ع الحكاية

فاكر زمان.......؟!!؟

أنا كنت سميته "الملاذ"0

وإتعلقت عيني بشعاع الشمس مكسور ع القزاز

وبيسأله عن كل أبطال الروايه

إنت وأنا والبوم صور ومجلتين

وإذاعة هادية وذكريات......0

وورق كتبناه من سنين

أحلام جميلة في ليل مطر

بهرب في حضنك إنما.....0

بتضمنيي .... بنسي الخطر

بالرغم من ترحال أكيد شايله القدر

إنت وأنا عارفين حقيقة إننا....."أحباب سفر"0

فاتت سنين....0

وأنا لسه بيجيبني الحنين نفس المكان

بتأمله.....0

وأسرح وأدور عن خيالك في الحيطان

وأسكت دقيقة وأسأله.....0

لساه بيرجع زىّ مشتاق للأمان؟!!؟

لساه بيرجع يفتكر أحلام زمان؟!!؟

لساه بيرجع يفتكر لمسة إيديا.....؟!!؟

ولا الزمن خلاه نسي......0

مبقاش بيشتاق للحنان

مبقاش بيحلم لو نعود....0

مبقاش بيشتاق للوعود0

لهدية مني وكلمتين وعليها إمضا حرف ....."ميم"0

مبقاش بيشتاق تاني للنور والنسيم.....0

لساه بيرجع يفتكر......؟؟؟

ولا إتقفل ع الذكريات شباك قديم...؟؟!!؟؟

كشف حســـــــــــــــــــاب

قبل ماتمشي..........0
قبل ماتخدك مني الزحمة.........0
قبل مايخدك صوت القطر.......0
قبل ماتخد مني في لحظة سنين العمر.......0
إلمس إيدي............0
حاول تعرف من رعشتها.......0
إيه جوايا من لمستها..........!!0
لو تقدر تفهم أوجاعي؟؟!..........أتحداك واحد في الألف
لو عاوز تعرف إيه هيا؟؟!............ هات عراف يقرالي الكف
يوصف حزني ويقرا حكايته
هيقولك من خط العمر........ 0
إنت بدايته ....وإنت الرحله.......... وإنت نهايته
إنك أجمل من أحلامي
لكن أبعد منهم برضه
إني بحبك قبل مااشوف الدنيا بعيني.............0
قبل ماقلبي يعرف نبضه
قلبي إختار أحضانك أرضه
هيقولك من كل خطوط الكف.......0
....ألف بحبك......
أويمكن أكتر من ألف

بترجاك تستني شوية
بترجاك تنسي الصفارة
تنسي الشنطة والجرنان
تنسي ضلوعك تاني ف يحضني
ولا نسيت أحلامنا زمان..؟؟!!؟
طيب أجل سفرك يوم أو حتي يومين
يمكن فيهم ترجع ذكري وتحيي سنين

بترجاك تستني دقايق.....ولا دي صعبة؟؟!!؟
ولا خلاص ده قرار بالغربة؟؟!!؟
وأنا عرفاك مش قلب بيرجع في قراره
برضه هترحل..... مهما أترجي
مهما سنين الحلم انهاروا

ناوي خلاص إن إنت تغيب؟؟!!؟
وهتتنازل عن أحلامنا.......؟!؟
لسه مُُصر تبيع أيامنا....؟؟!؟
وهترجع من تاني تدور علي حدوته....0
قصة جديدة وشوية أحلام مكبوته؟!؟
وأنا هرجع من تاني لدفتر كله كلام
هرجع للأحزان والذكري والأقلام
وأكتب .... وأكتب
وأنا بحضن فنجان القهوة ورافضة أنام
وأسجن قلبي في حضن مخدة....0
صاحية وبرسم في الأحلام......0
وأتأملهم.....0
وأجمعهم وسط دفاتري
وأسرح تاني مع الأيام......0
وأسبق وأجري.....0
وأنا بتخيل بكرة جديد...0
وردة وحلم وفرحة عيد
فكرك لسه راح أقدر أحلم....؟؟!؟
ولا خلاص.......... وإنت مسافر.........0
خدت معاك سر الأحلام؟؟!؟

انا عن نفسي هستناك......0
لو راح ترجع يوم في قرارك.........0
راح تلقاني......0
نفس مكان الذكري الأول...... لسه هناك
وإنت خلاص....... لو خدت قرارك إنك ترحل.....0
سافر يلا وخد وياك......0
كل مشاعرك أو أحلامك......0
هات أيامي وخد أيامك
بس إسمحلي...اّخر مرة هترجاك
قبل ماتمشي .... هاتلي اللي أنا سيباه جواك
دقة قلبي.......0
رعشة إيدي......0
صورتي اللي أنا سيباها في عينك.....0
ملمس جلدي.....0
وشفايفي الدافية علي جبينك....0
هاتهم وإرحل.......0
وأنا هديلك كل سنينك
علشان لو مش راجع تاني...........0
يبقي نهينا أي حساب كان بيني وبينك0

صفحة وإنقلبت

وبرجع تاني للأوضة اللي مقفولة علي الأحزان

وأبص لصورة في البرواز

وأتوه وأسرح في أحلامي اللي مكسورة في قلب قزاز

بيتوجع وبيدمع

وبين اوراقه يتأمل

وإيده بتقلب الصفحه

وبيحاول يعيش تاني

ويبدأ عمر م الأول

ولكن قبل ما بيقلب

ووسط كتير من الأحلام

عترت في حلم كان ملكي

حلمته زمان

بعاشق يشبه الفرسان

بيخطفني من الدنيا.........من الأحزان

ويهرب بيا برة الكون

بقصة حب مجنونة وشوق مجنون

وبسرح تاني في القصة وفي فصولها

في أول مرة نتقابل وأول كلمة بنقولها

وأول مرة بنسلم

وأحس بإيدى_م الذكري_بتتألم

وأضم لصدري تذكرتين في يوم فرقة قطعناهم

عليهم لمسة من إيدك.......

ومن يومها......... في قلبي لسة شيلاهم

وأحن بشوق للحظة عشق تجمعنا

ونحكي كتير .......... يتوه صوتنا

ونصرخ جوا في سكوتنا

بحن بشوق للمسة إيد وحضن كبير

وأفوق علي ورقة في إيديا

تفكرني بإنك حلم

بإنك صفحة وإنقلبت بقالها كتير

وإنك ذكري مش أكتر

وأفوق فعلاً من الأحلام وم الذكري

وأبص بحزن للدفتر

وأبدأ صفحة م الاول

وأبدأ عمر

وأكتب كلمة مشتاقة في أول سطر

..... " قرار مجنون"..........

بحبك صفحة وإنقلبت

بحب الأوضة والبرواز

وهستناك في يوم ترجع

أنا وصورة وتذكرتين

وأحلامي اللي مكسورة في قلب قزاز