ضاقت الكلمات مني والمعاني
ضاق صوتي بالنداء وبالأغاني
حتي أناشيد التوحد _سادتي_0
أبت الخروج وجُمدت بلساني
ثارت عليّ بحور أشعار العرب
ثارت مقالاتي وأبياتي وحاصرها الغضب
الاّن أعلن أنني........." من لون جلدي أنسحب"0
لا.....لن تفيد بصمتكم صرخاتي
ماذا سيجدي الصوت في الأموات؟!!؟؟
ماذا سيجدي إن وهبت لبعثكم.....
قلمي وصوتي....أو وهبت حياتي؟!!؟؟
أنتم كما أنتم .....فقدتم نبضكمم
فلماذا أعتلك المرار بذاتي ؟!!؟
أدوا فروض ولائكم ....بل وإركعوا
عودوا بذلتكم لعهد " اللات"0
إبقوا كما أنتم وعيشوا قدرما
يلقون في الأجواف بعض فتات
إن كنت منكم ....... فأنا نسيت عروبتي
ولسوف أكتبها علي السموات........
أنا لست منكم
بل ليس فيكم موطني
أنا لست من وطنٍ بلا ثورات
هناك 10 تعليقات:
صدقت
الاشرف لاي عربي حر ان يتخلى عن ما يسمى بالعروبة فلقد استنفذت عدد مرات استخدامها فاصبحت مثل قطعة اصبحت قدييمة كنا نستخدمها
في التنضيف حتى زاد اهتراءها فلم تعد تنفع لاي شئ و تم رميها في اقربها مستودع زبالة
بليغة
وبعدها ستغني العروبه اغنيه غاده رجب
لماذا تخليت عني
ونروح نحن لها تاني
هيا مين
اين هي العروبة؟؟
معظم من حولي يسخرون مني اذا نطقت بمعانيها
فهم لغوها من زمن من قاموسهم
وانا مازلت استخدمها
لهم حق ان يسخروا مني
ولكني ارجع واقول
لا الناس ولا امبارح
ولا الزمان جارح
العيب فينا احنا
والجرح احنا اللي جرحناه بايدينا
ولازم نداويه
بجد بجد
ما اروعك
حفصة
تقريباً فعلاً كلمة عروبة دي راحت عليها زى الطربوش والقبقاب وبقت مجرد زكريات وحاجة بنتكلم عنها من وحي الخيال
فياريت نبطل خيال ونخلينا واقعييين
أشكرك ياعزيزتي علي كلامك الجميل
هيثم
لا مش انا اللي ابكي ولا انا اللي اشكي
ولا انا اللي اجري واقول عشان خاطري وانا ليا حق معاه" برضه غنتها غادة رجب"ودي بقي من عندي..........." دقيقة حداد_ طارق الشيخ" لو كنت عارفالها مكان ع النت كنت حطيتلك اللينك ........عموما اسمعها وابقي قولي رأيك
تحياتي
شادي
معاك الف حق.......بس مادمنا مش قادرين نعالج والجرح تاعبنا قوي يبقي مفيش غير حل واحد............." البتر" تخيل لسه ما اتخلصتش من مبادئنا إياها اللي مابنعملش بيها وبميل " للحلول الجذرية".....0
أشكرك
الجميلة مي :
نعم لم يعد يرادف تلك الكلمة ( العرب ) الا ابشع الصفات
اسأ الناس استخدام كل ما كان جميلا
حتى الدين الذى رفع المسلمين في الماضي فوق كل الحضارات أسي استخدامة و فهمة و تفسيرة و اهدافة
الان اصبع الدين منظر وواجهة الله اعلم بما يكمن خلفها ... لم يعد التسامح و الاخاء مبدا من مبادي ديننا
اشاهد الصراعات في العراق و هم ابناء الوطن الواحد و الدين الواحد ... لمجرد اختلافهم ف بعض المبادىء و الاراء
انا ايضا انسلخ من هذه الكلمة ( العروبة ) و التى لم يعد لها كرامة
و اصبحنا مثلا للفساد و الحروب و العداء و التخلف
يااااه
هتبيعي القضية يا مي خلاص ولا ايه
اليأس ده مش المفروض انه يتملكك انتي
سيبيه لحد تاني مش بيعرف يكتب لنا الكلام الجميل ده
جربي تتخيلي الكلمه دي جواكي
العروبة
انطقيها كده
وهتلاقيها لسه عايشة
شوفيها وسط الشهداء في فلسطين ولبنان والعراق
هتلاقها لسه عايشة مع انهم ماتوا من زمن
بلاش اليأس يا مي
العروبه عايشة بس يمكن احنا اللي متنا
ويمكن متنا عشان سمحنا لليأس انه يصورلنا انها ماتت
عيشي على الاقل عشان خاطر حروفك وقلمك الجميل
دكتورة مى هايل بجد ما اروع الكلمات وما انقى الاحاسيس بس لو تسمحيلى فى قصيدتك بس
ثارت مقالاتي وأبياتي وحاصرها الغضب
ايه رايك فى لفظ وتفجرها او تفجر منها بدلا من حاصرها لان الحصار يكبت الشئ او يضيق عليه
اما التعليق الاخر وهو معنوى
أدوا فروض ولائكم ....بل وإركعوا
عودوا بذلتكم لعهد " اللات"0
ايه رايك فى كلمة الامل ما احلى الامل والامتع ان نكون نتمتع بهذه الصفة بكرة احلى ان شاء الله
اكثر اكثر من رائعة
كريم
انا متفقة معاك في الراي والا ماكنتش كتبت القصيدة من البدايه
شكرا ليك
سلامة
انا فعلا شايفه العروبه وسط اللي انت ذكرتهم....شايفاها بتموت وبتندفن ونعيها مكتوب علي اعلامنا كلنا ومحاولناش حتي نقف علي روحها ثانيه حداد
احنا ما متناش احنا موتناها علشان نعيش يبقي مفيش داعي نقتل القتيل ونمشي في جنازته ونعمل زعلانين ونعيط عليه...احسن لنا نتبري منه
سلامة
معلش اسفه نسيت اشكرك علي اهتمامك وزياراتك المتكررة للمدونه
dr_sindbad
متشكرة جدا لتعليقك البناء ده
اكيد لو كنا لسه بنقعد سوا واوريلك كتاباتي قبل اي حد وانت تعلق عليها وتقول اقتراحاتك كان الامر اختلف
بس هنعمل ايه لمسؤلياتك اللي اخدتك مننا
تحياتـــــــــــــي
إرسال تعليق