02‏/01‏/2007

عيد الضحية







قال جانا عيد
إيه الجديد؟؟

والهم لسة والملل

وإزاي بنتمناه سعيد

ووجعنا عايش في الوريد

لأ...والعلل زادت عللل

فيه اللي صلي في الحصار


واللي أدانه ضرب نار


واللي بلع همه ومراره وإنخرس


وكأنه صوته قبل مايصبح جرس....


من كتر طعم الصبر أدمن الإنتحار


اللي سكتوا لسه جوا في الجحور


واللي فوقنا حبوا ييجوا يكرمونا.....


قاموا سنوا لنا الساطور

عدموا شعب وألف غيره...


لسه واقف ف الطابور


اللي عاشق للسكات


واللي قاعد يحكي عن عمره اللي فات


زاحم الجرنان بصوره وبدموع الذكريات


اللي داخل في إجتماع


واللي خارج من مفاوضة


واللي بيصدق وعود واللي واكل م الأونطة


كل واحد جي دوره.....كله نازل في المحطة


كل واحد ليه سيناريو.......وكل واحد لازمه خطة


اللي من غيرهم يتوه.........


واللي خايف لو نطق.....ييجوا عنده يشرفوه


والل خايف وسط عهده....إنه يخسر عز أبوه


اللي ساكت بالمعونة.....


واللي ساكت بالمصالح.....


واللي ييجي يثور نقول" هو عامل نفسه فالح؟؟""


شعب متجرح بينزف


والغيلان عمالة تحلف.....


إنه مذنب لا محالة


_ جلادين بإسم العدالة_


وإحنا بنأمن وراهم


موهومين بنعيم رضاهم


وإحنا عارفين إن دورنا جاي أكيد


لأ ولسة لينا نفس نقول ياعيد!!


وأما لقيونا بنبلع..قاموا بعتولنا العيدية


وإحنا بنهلل ونهتف..........


لسة بايعين القضية

بس أنا دلوقتي فاهمة هما ليه سموه -جدودنا

من زمان.............." عيد الضحية"0

هناك 11 تعليقًا:

SomeOne يقول...

مش عارف بصراحة
انا في الاحوال اللي ذي دي بأحاول أدور على اي حاجة علشان اخلي اللي قدامي يتفاؤل ولا ييأس

بس بصراحة كلامك مش لاقي حاجة ارد عليه بيها غير
معاك حق

انا بصراحة قضيت عيد حميل جدا جدا
بس لاني عملت عبيط
ولم اقرأ اي جرائد ولم اشاهد اي نشرة اخبار ولا اي برنامج تلفزيوني

اصل بصراحة الحال هو هو من قبل العيد ده والعيد اللي قبله ومن زمان
جت يعني على اليومين دول

وانا انكد على نفسي ليه في العيد
مدمت عارف ان مش احنا اللي علينا الدور وان الحال كما هو عليه
خلي الواحد يعيشله يومين
و ناجل الكلام ده لبعد العيد

لو عندك حل تاني قوليلي عليه وانا معاك

^ H@fSS@^ يقول...

ما اروعك

kareem azmy يقول...

بجد بجد مش عارف اقول اية

بس انا عاوز مش عارف
اعيط على صراحة الكلام لانة مباشر و ف الصميم
و اصفق لانك عبرتى بكلمات قليلة عن حاجات محتاجة كتب للتعبير عنها

بجد انت رائعة

انا بجد سعيد انى عرفت شخصية زيك

كريم

قصاقيص يقول...

شادي
مش بقولك......" إحنا غيتنا إننا نبيع القضيه"0 وبعدين فعلا كتير صوتهم اتنبح من غير فايدة...بس معلش انا مصرة انبح صوتي........مش علشان اصحي الموتي ولا حاجه...لأ.........علشان هو بيبقي أحلي وهو مبحوح.......ما انا كمان اشوف مصلحتي.ولا إيه؟؟!!؟؟
أشكرك علي الزيارة

حفصة
ماأروع إهتمامك وتعليقاتك ياست الكل

كريم
أنا سعيدة جداً بزيارتك لمدونتنا المتواضعه ومتشكرة علي تعليقك الرائع الباعث للامل في عهد الاّمال المحبطة
متشكرة جدا


شكراً للجميع

احمد عطالله يقول...

كل سنه وانتى طيبه
ومصر بخير

قصاقيص يقول...

عطاالله
وانت طيب
وشكرا علي زيارتك للمدونة

غير معرف يقول...

يا بنتى كفايه حزن
ده العيد فرحه
سيبه الناس تعيد
الحمد لله انى قريت الكلام ده بعد العيد


وبالمنسبه كل سنه وانت طيبه

ولا هتزعلى

قصاقيص يقول...

أسامة
وإنت طيب من غير ما أزعل
انشاء الله ملحوقه العيد الجاي واخليك تقرا بعد ماتعيد
احنا في الخدمة
كل سنة وانت طيب ....مقدما للعيد الجاي
لعل وعسي نعيد من نفسنا

غير معرف يقول...

بصراحة عاش بطل ومات برضة بطل وهيفضل فى وجدانا بطل مهما طال العمــــــــــــــــــــــــــر صدام وصدقت بنتة لما قالت جزمة ابويا لما مات احسن من حكام مصر والعالم واللة صدقت علىفكرة حتة جميلة واللة بجد مش قادر اوصفها لك انتة فنان bido _20003@hotmail .com 2007

قصاقيص يقول...

بيدو
هعتبر كلمة " انتة" خطأ مطبعي لأني بنت مش ولد
وعموما انا لما كتبت القصيدة دي مكنتش بفكر امدح صدام ولا اناقش حياته لكن كنت بعزى نفسي في حال العرب
عموما اشكرك
ملحوظة:_ إيميل مين ده؟؟ ولا دي دعايه ولا عنوان ولا ايه؟؟

رجل من غمار الموالى يقول...

جميلة