علي شفتيك _منذ عهود_قد دونت أبياتي
وسطرت الهوي لحناً علي أنغام دقاتي
فهم ديوانا عشاق
وهم كبحور اشواقٍ
فهل لي بعض ترحالٍ......بذاك البحر_مولاتي_؟؟
فأنسي الأرض والتقويم....وينسي الصوت نبراتي
ويمضي العمر ساعاتٍ.........اذا ذبتي باّهاتي
لأن لديك أوطاني......فضميني
وضمي إليك أشواقي وزفراتي
فبين ضلوعك الخضراء سيدتي........ لكم أديت صلواتي
فهم محراب أحلامي..........ونهراً من خيالات
فليس الحب يكفيني.......ولا أرضي بكلماتي
سأبحث في لغات العشق عن لغةٍ
فأكتبها.................. حكاياتي
.............. فكيف سأكتب التاريخ في أنثي
بعينيها عصور من حضارات
فلا تكفيها أهرامٌ فأصنعها
ولاتوصف بنقشٍ في جداراتي
علي شفتيك _سيدتي_ أنا دونت أبياتي
فهل لي ألاّن _في حبٍ_بأن أقرأ كتاباتي؟؟!!؟
هناك 25 تعليقًا:
ايوة طبعا اقرا كتابك يا خويا
هو مين بس البنت اللى هتسمع الكلام ده حتى لو كان اول كلام يتقالها من شخص متعرفهوش من غير حتى صباح الخير و متستسلمش ليه
انتى فكرتينى بالشاعر محمد رفاعى لما كتب اغنية انا زى اى بنت
انتى بقى قدرتى تتقمصى شخص عاشق تمام
فنانة بجد يا مى
هي الابيات دي بتضحك ولا انا اللي مبسوط
مش عارف ليه لقتني فطسان من الضحك بعد البيت الاخير
سؤال
هي أخر كلمة
كتابي
ولا
كتاباتي
؟
مي...أنا بحبك في اللون ده أوي أوي...لما بتكتبيه...بيبقى زي فستان جميل بتلبسيه...و لو إني مشوفتكيش...بس أكيد ليكي صورة في خيالي...حلوة طبعا...مكنتش عارفه ليه حسيت إن كاظم بيغنيها...بس لما خلصت عرفت...لأني بحب كلماته إللي بيغنيها أوي
طب يعني انا أكتب ايه
عاشور قال اللي نفسي أقوله
بجد صعب جدا الكتابه بإحساس صادق على لسان عاشق من شاعرة , وده لاني مجرب قد ايه العكس صعب
بس انتي معودانا على معادلاتك الصعبة دي يا مي من زمان ، من ساعة الصورة الجميله في الألبوم
واماني برده حرقتلي رأيي عن الخروج من لون فاروق جويده والدخول لعالم نزار اللي هو طبعا أغاني كاظم
طيب يا مي
هاقولك ايه ، شعرك أقوي من أي كلام حلو عشان أوصفه بيه
هو جميل بس انتى حاسس لو قوليها بصفت الانوثه حاسس انها هتبقى اجمد عشان هتكونى حاسة الكلام اكتر
حلو اوى
عاشور
من زمان ماعبرتناش بكومنت ...عاش من قري كومنتاتك
ان خفت تكون كتاباتي مش عاجباك وقررت اعتزل الكتابة واسرح "بصميت وبيض وجبنة " في محطة مصر
مانتحرمش من كلامك الجميل يا أستاذنا
شادي
الحمد لله انك ضحكت في الايام اللي محدش فيها ليه نفس حتي يبين سنانه
بس ماقولتش رأيك في القصيدة....حلوة....وحشة؟؟ كده يعني
وعموما انا صلحت الخطأ الكتابي وهي " كتاباتي"0
شكرا علي التعليق وعلي لفت الانتباه للغلطة المطبعية
موني
تسلميلنا ياقمر
بس للعلم انا مش بلبس فساتين" بيني وبينك انا مسترجلة حبتين" فعهتبرك بدل فستان قلتي قميص وبنطلون
شكرا ياجميل وماتبقيش تغيبي علينا
سلامة
كتير علينا كلامك الجميل ده وعموما دخولك المدونه واهتمامك كفايه عندي ومش لازم كومنت كمان
شكرا للجميع
elkamhawi
شكراً.........أوعدك اني لو جالي احساس مشابه علي لساني انا مش هتراجع عن كتابته
bagabigo
شكرا
نيهاهاهاهاهاههاها
لما صلحتي الخطأ
على شفتيك
طلعت فوق
عايزين بقى الاخ كاظم الساهر يجى يغنى القصيدة
جامدة
اوىىىىى
كلماتك رقيقة للغاية
لقد ملئتنى نشوى وسموا
أحييك
الغريب
شادي
أنا ملاحظة ان القصيدة دي مسببالك حالة"exccessive happiness"
عموما يارب دايما كتاباتي تسعدك
الوردة
ميرسي علي الزيارة الجميلة......والله لو كانت لسة معايا نمرة كاظم كنت كلمته تلبية لاقتراحك انتي وموني العزيزة
شكرا
الغريب
شكرا اخجلتم تواضعنا
جميله اوى
وقدرتك هايله انك تتقمصى دور الشاب
تحياتى
طب ياسني ياريت اي شاب يحب بالطريقة دي..بس انا مش بحب جو نزار قباني وشايف ان كفايه واحد بس يكتب بالطريقة دي!!
قصدي ان اي كاتب لازم شخصيته تبان من خلال كتاباته ومش لازم يتقيد بقوالب الاخرين..وقالب نزار لا يصلح الا لنزار
ادعوك لزيارتي قريبا..واشوف كومنتاتك وان كنت مش بكتب شعر جامد قوي كدة
سارة
أشكرك علي رايك وعلي تشريفك للمدونة بالزيارة
احمد عيسي
معلش لو كانت كتاباتي فيها شبه من نزار ........ بس ده اكيد مش عن عمد
ممكن يكون لسبب وهو اني قريتله كتير
وعموما اتمني باقي الكتابات تعجبك
شكرا علي زيارتك وتعليقك ودعوتك ليا لزيارة مدونتك
:) غزل صريح
بس حلو ... فعلا شبه نزار أوي
ولا تاخدي في بالك
التلاجات رخصت الايام دي
karakib
شكراً
هيثم
نخليها ديب فريزر..........ولا خسارة فيا؟؟
فليس الحب يكفيني.......ولا أرضي بكلماتي
سأبحث في لغات العشق عن لغةٍ
فأكتبها.................. حكاياتي
ده بقى منتهى الحب
يااااااااااااااااه والله عمرى ما قرات ابيات ابلغ من هذه فى الحب ومنتهاه
فهل لي ألاّن _في حبٍ_بأن أقرأ كتاباتي؟؟!!؟
فهمينى الشطر ده( وش مدايق ومتغاظ )
dr_sindbad
متشكرة موت ياميدو
كلامك بجد بيشجعني
ومن غير "وش مدايق ومتغاظ " ولا حاجه
إنت تؤمر
ومن عيوني هشرحلك معني البيت .......... بس سؤال."نمر تليفوناتي ضاعت منك ولا العنوان مش فاكره؟!!؟" 0
أشكرك مرة تانيه علي متابعتك
في انتظار مسد كول حتي
bido هيا حلوة بس لو صغرت شوية ها تبقى احلى طبعا بااااااااى هيثم وحشتنى واللة بيدو
وبحبك وحشتينى يا ريت تهديهالى bido
بيدو؟؟؟
أولا شكراً علي زيارة المدونة......
ثانياً ممكن المزيد من التفاصيل عن هويتك؟؟
انا استنتجت انك اخو هيثم بس ياريت اتاكد
عموما شكرا علي الزيارة وعلي التعليق
السلام عليكم
مي ازيك
ما شاء الله يابنتي
ايه الروعة دي
حلوة اووووووووي
كانت مفاجأه بالنسبالي
ياريت قريب نقرالك واحده من اللون دا
لأنك فعلا ممتازة فيه
كان نفسي اكتبلك اعجابي بالقصيدة دي في كام بيت كده
لكن انتي خليتيني بكلامك الجميل دا مش عارفة اقول ايه يوصف جمالها
ربنا يوفقك
ويباركلك في الموهبة دي يارب
سلام
Nour/Nour
طيب انا مش فاهمة يا مى....
هى طبعا القصيدة حلوة وكل حاجة...
بس انا حاليا متلخبطة...
فين كل اللى بعد كدا
إرسال تعليق