إنت اللي هاديتهولي زمان...
بس بجد.............!!! عنيك وحشاني
وعملنا من الصورة إتنين
لما لقيتني هطق وأفرقع م التحميض
ممكن تاني أجيبها منين؟؟
وإنت مسحت دموعي بإيدك وإنت بتنطق..
كنت مقريف
كنا في عز أغسطس لكن...... كنا بنرجف
يومها ما كناش زى العادة.....
والأيام الحلوة السكر........... قلبت سادة
كنت مسافر وأنا هتجنن وإنت بتوعد
إيدي وإيدك بعدوا ولكن.......... لسه بنوعد
إنك راجع......
وإن أنا راجعه.........
بس الظاهر إنك قبل ما تمشي نسيت.....
إنك تسأل عن أحلامنا" هتقدر تصمد؟؟""
كانت اّخر صورة بتجمع بيني وبينك
كل ما بزهق من أحلامي.......
كنت بقلب في الألبوم
وألمس وشك.........وأسأل فينك؟؟
لسه فاكرني؟؟.........
ولا نسيت؟؟..........
فاكر أحلامنا المجنونة........؟؟
والأفكار اللي بدعناها........ وقلولنا دماغكم ملعونة؟؟
فاكر " حب بدون تخطيط"؟؟
فاكر أحلامنا اللخابيط؟؟
سيرة ذاتك......
خط إيديك......
كل الأوراق والشخابيط؟؟؟
كانت أحلامنا بتتقسم علي قلبين....
وأنا بصرخ وإنت بتسمعلي...." الدنيا إتقسمت نصين..
قلبي وقلبك..... فين مينا يوحد قطرين؟؟""
وإنت بتضحك وبتحضني
أما صحيح عشاق مجانين
يااااااااااااااااااااااااااااااه
أما صحيح كانت أيام.....
عدت لكن سابت عندي.....
ألبوم صوري والأحلام
ياما حلمت أشوفك تاني بنفس النظرة
وإنت بتتبسم وتقوللي" إنتي الوطن اللي أنا برجعله
يبقي بلاش يدّخل بكرة"
بكرة وبعدة............
وأيام تانية كتيرة وعدوا.........
وأنت ما جيتش.......
وأنا بستني.......
أنا والذكري والألبوم.....
أحلم وقت ما أنا م برجوعك .........
وأضمك وأصحي من النوم.....
ألمح نفسي في نفس الأوضة ..........
مستنية.........
أنك ترجع حتي في حلم
وكأنك مخلوق " أمنية"
إتمنيتك قبل ما أشوفك.......
وأما لقيتك.......... برضة بتيعد...
..........وإتمنيتك
ليه خليتني أقلب تاني في الألبوم؟؟!!
خايفة لتطلع زي عوايدك........
"حلم" وهصحي خلاص م النوم
تيجي نقفل ع التصاوير؟؟!!
تيجي نحكي.........؟؟!!
عن أحوالك.........
عن أحوالي.........
عاوزة أسمعلك............إحكي كتير.....
بس إسمحلي قبل ما أقفل..........
" نفسي أضمك"
هناك 45 تعليقًا:
يااااااااااااااه
دا شكله كده الحب
اللي انا دايما اقول عليه مش موجود
اه
هو
ايوة هو
دا حاجة تانية غير اللي بشوفه او بيحصلي
دايما اقول لاصحابي يابني اللي انت حاسه دا اعجاب مش حب
وهي لاتحبك
واحدة اتعرفت عليها من اسبوع وتقولك بحبك يا تافه انت وهي
بس بجد كلامك صادق صادق صادق
اكيد من القلب
اكيد دا الحب
امناياتي للجميع بالسعادة القلبية
شادي
أشكــــــــــرك
بس علي فكرة دي مش قصة حب......دي مجرد حلم
جميله قوى قوى يا مي
مشتيني معاكم في زحمة الميدان
واكلتيني تين
وغرقتيني مطر
واتزنقت في المترو
وأكلتيني فلافل
ملحوظة : مش فول ، فلافل بس ، مابحبش الفول
سابع صورة بتزعلني وبتكسرني ومش هتكلم عنها
بس هاقولك انك عملتي معجزة يا مي وصورتيلي الصور في الاغنية دي
وهاقول الأغنية مش القصيده عشان هي برده تتغنى
جميلة قوي مرة كمان
سلامة
هيبقي شئ مكرر لو قلتلك شكرا........انت بجد بتحرجني بكومنتاتك دي
بس بجد لو عجباك ادعيي انها تكون اخر حاجة اكتبها لاني مستحيل احس اي كتابات ليا بعدها......هي بالنسبة لي حلم حياتي ولو ما اتحققش في الواقع اهو اتحقق فيهاو يبقي كفايه عليا كدة
اشكرك
بجد
حلم
ياااه
بصراحة انت شاعرة ممتازة
انا بجد اتأثرت جدا بكلماتك
حقيقي انا اكتر حاجة حبيتها في المدونات
اشعارك وخصوصا الاخيرة
وكاريكاتير اشرف حمدي
اوعي يوم تفكري تبطلي تكتبي شعر
للامام دائما
تحياتي
شادي
اشكرك علي زوقك........بس بجد انا كدة هتغر......وعموما لو لسه ممكن احلام احلام حلوة يبقي مش هبطل كتابه
مش عارفه أقولك إيه يا مي....بجد جميلة...و أد إيه إحساسك صادق...لو كان ده حلم...ياريته يتحقق
يخرب بيت ابو ام الجمال
اية يا مى الروعة والجمال دى انا مكنتش اعرف انك كدة انا هبدا اخاف منك
بجد تحفه
خلى بالك مفيش حاجة هتقدر تمنعك انك تحلمى ده هو اللى باقيلنا
يا ربى على الإحساس الوهمى بجد تحفة يا مى احلى حلم شفته فى الدنيا
أماني
ربنا يخليك ياجميل ومانتحرمش من دعواتك الحلوة .....لكن كنتي فين غايبة عننا بقالك فترة؟؟
elkamhawi
كل دي شتمة في جمال القصيدة ؟؟ والله انا اللي خايفة اصدق أني عرفت أعبر عن اللي جوايا قوى كدة.....أما بالنسبة لموضوع الأحلام فأنا مش هدايق لو بطلت أحلم لأني متعودة علي الاحساس بالموت
أشكــــــــــــــــــرك
bagabigo
متشكرة علي زيارتك للمدونة.......لو انت حاسس انه اجمل حلم ..امال انا اقول ايه؟؟
شـــــــــــــــكراً للجمـــــــــــــيع
كلام جميل عذب
كل سنة وانتى طيبة يا قصاقيص و العام الجديد فى افضل حال بأذن الله
قصاقيص الجميلة
انا بعتلك ايميل بحالة عالتحفة الشاعرية دي, موصلكيش و لا ايه؟
لو موصلش يبقى امري لله حاحاول استجمع عقلي تاني بعد حالةالانبهار و اعلق لك لكنه في الاخر تحفة بكل المقاييس
تحياتي
و كانت فكره زي ما بتقولي ل شادي مكنتش
اتكتبت بالاحساس الرهيب ده
كل م ادخل واحاول اكتب كومنت بتوه فخيال
ومكتبش
بجد مش عارف ليه ان البني ادم اللي بتكلمي عنه
حد نعرفه
حد قابلته
وبجد الانسانه الي كتبت ده
..............
no comment
معتز
وإنت طيب ......... متشكرة لذوقك
حفصوتشا
حبيبتي أنا اّسفه جداً مكنتش فتحت ميلي من أيام " معلش بقي ظروف الإمتحانات" لكن فتحته بعد ما قريت الكومنت .......حقيقي ربنا يخليكي ويخلي كلامك الجميل ده اللي بيخليني أحس إني ممكن أكمل ......... أشكرك بشدة وكل سنة وانتي طيبه
هيثم
إنت اللي فاهمني........ أنا دايما عندي إحساس إن الانسان اللي أنا كتباله القصيده مشاع لكل البشر......بجد شكراً يافاقسني
كل سنة وانت طيب
........ أنا دايما عندي إحساس إن الانسان اللي أنا كتباله القصيده مشاع لكل البشر......
برضو بتوهي الموضوع
عموما ميرسي ع الرد
بس انا مصر ان الحد ده
اعرفه
ولو قابلته هقولو
عارف ليه علشان نفسي اشوف الالبوم
يا فنانه
الاحساس ده
نعمه من عند ربنا
والحمد لله قدرتي توظفيها في حاجه خياليه ممتعه
هيثم
أنا مش بتوه ع الموضوع ولا حاجه
إنت بدأت المشوار وشبهت ...يبقي كمله وإفهم كلامي
إعتبرها مسابقةالعيد
أما عن كونك تقلب في الألبوم فأنا معنديش مانع....حتي زكرياتنا مشاع.هما يعني قيس وليلي يزيدوا عننا ايه؟؟
ههههههههههههههه
كل سنه وانت طيب
أتصورنا بشكل ملخبط........
في المترو.........و كنا بنتنطط.....
وعملنا من الصورة إتنين
بس إنت إتعصبت يوميها.....
ونسيت الصورتين ويايا
تتخيل من يوم مانسيتها..........
والصورتين عايشين جوايا
-----------------------
للمره الخمستاشر او الميه
بقرا ها
وكل م اقراها
احب حته جديده فيها
واحطها في فولدر الفافورت بتاعي
متخديش الموضوع قفش كده
هما الشعرا يفرقو عنك ف
ايه
هيثم
والله ولا قفش ولا حاجة.........أنت مش مقتنع معايا إن الكلام المكتوب مابيعملش حقيقة ....بيثبتها بس مابالك بلأحلام
انا كتبت القصيدة دي بحاول أثبت فيها حلم وأديله شكل الحقيقة .... يمكن الدنيا تنكسف علي دمها ولو مرة وتحققلي حلمي
هههههههههههه
دايب دوب
يابخته والله
بس بوست جميل وانتي موهوبه وكمان مدونتك جميله جدا
طب ايه رايك
حبيب لقطه
هو
---
قلبه مفهوش الا واحده بس
بيحبها باخلاص جدا
وعنده عربيه احلام وفيلا مشاعر
ورصيد في بنك الحب
هي
---
حاجه
رومانسيه شاعره
تقدر الفن
تكون علي طبيعتها
ملحوظه
للخيانه فقط علشان انا بحب فعلا
وله نهاية
نهاية إيه ألف بعد الشر.وعموما أشكرك علي زيارتك للمدونة
ولو فيه حد نقول عليه يابخته يبقي انا علشان انا فعلاً اللي محظوظة بوجودة في حياتي اللي خلاني اكتب كلا يعجبكم كدة
شكرا
هيثم
للأسف أنا جدولي مزحوم جداً جداً الفترة دي
فوت علينا بإعلانك بعد 6 شهور
هههههههههههه
مابلاش خيانه وخليها " سكن إيجار جديد"؟؟
هيثم
نسيت أقولك إقتراح تاني............ ودي إعلانك " روزااليوسف" ولو ماجبش نتيجة هتصرفلك انا من تحت الترابيزة
اولا اهنيكى على جمال احساسك وحسن
تعبيرك لو كانت القصيدة من الخيال وليست نتاج تجربة حقيقية
وان كانت لشخص بعينه فهنيئا له لانه امتلك اخر قطرة من نهر حب وحنان الدنيا
مصطفى سعد
يااااااااااااااااااااااااااااااااه لو فضلت اقول حلوة من هنا لاخر عمرى مش كفاية
بجد رائعة والاجمل ان فيها تجدد بقى يا مى
صدقينى لو قولتلك انى حسيت مى تانية بتكتب او انسانة تانية والتحرر اللى فيها مقبول وجميل
عايزين من ده كتير وعايز نسحة منها
مصطفي
أشكرك يافنان علي احساسك بالقصيدةاو بمعني ادق علي احساسك بحلمي
dr-sindbad
مكنتش متخيله انها هتعجبك اوى كده وعموما _بعض ما عندكم_0
اما بالنسبه لاحساسك ان مي جديده هي اللي كتاها فده اكيد........لأني كتبتها بعد ماكملت عشرين سنه .....اقرا تاريخ البوست.........ولا نسيت عيد ميلادي؟؟
اما النسخة فمن عنيا الاتنين أحلام سيادتك اوامر
شكراً
تحياتي للجميع
لاول مره ف حياتي
اتمني ان احط اسمي علي حاجه مش بتاعتي
لما شوفت القصيده دي
ولاول مره ف حياتي
اتمني اني اخد بنت بالحضن
و ابوسها لانها استفزتني بجمال كلامها
بجد
حاجه جامده جداً
عطالله
أشكرك بشدة علي كلامك الجميل
وهعمل نفسي مش واخده بالي ومش هخاف علي القصيدة
وعموما انا سعيدةبرايك اوى......وعموما فك فك....احنا اخوات
تحياتي
جميله اوى اوى اوى
دى اول مره اكتب تعليق ودى اول حاجه اقراهالك شددتنى اوى وخلتنى اكملهاطيب لو قريت الباقى هيحصلى ايه.؟ ..
وهى اللى خلتنى اكتبلك
بس يامى الحب ده جميل اوى واللى بتحب كده ممكن تكمل عمرها كله بنفس الحب ولا بيتغير..؟
انا نفسى تكتبى قصيده
ازاى نحافظ على الحب للنهاياه ومنضيعش الهوى .......ممكن
usamapooky
متشكرة علي زيارتك وعلي تعليقك الجميل
أنا خمنت انت ممكن تكون مين.......اتمني تخميني يكون صح
وعموما .... احنا ممكن نخلي الحب مايضيعش....تعرف امتي........"لما نقدر نسجن خيوط الشمس في زنزازنة"0
الحب مشاع زيه زى النور والهوا....لا ليه محطات ولا ليه خط سير نقدر نحدده....وهو ده جماله
الخطط والروتين لو وصلوا للحب هيقتلوه
عموما شكرا علي الزيارة والتعليق الجميل يا000000000000؟؟؟
رد توهنى اكتر
يعنى كده مفيش حب هيكمل ..؟
لاننامش ممخن نسجن الاشعه دى
انا مش فاهم خالص
وعلى العموم يارب تخمينك يبق صح
اساعدك
فاكره الأسد
خالاص هوسسسسسسسسسسسسس
معلش نسيت أكتب اسمى
اناصاحب الكومنت اللى فات
اسف
أسامة
ياريت مايكونش ردي توهك زي كابتقول
والله مش قصدي اعقدك ولا حاجه
اكيد اما نتكلم هشرحلك ليه انا بفكر كده
وعموما اشكرك علي التعريف بنفسك ولو اني عرفتك يا ........أسد
"والنعمه لتزهزه" عرفت اني عرفتك
سلام
شكرا
ايه بتقولى ايه لما نتكلم
الله ياولاد دالبلوج ده طلع احسن من الشات 100 مره
اشطاااااااااااات
انا رقمى 000000000
ههههههههههههههههههه
أسامة
شات إيه ولبخ إيه
احنا بتوع السريع.... خليك عملي يا أسامة
إشطااااااااااات بالعبيط
بصراحه مش لاقي كلام اقوله على التحفه دي ازاي ما تبقاش لنزار ولا لجاهين ولا للابنودي بجد روحي يا شيخه ربنا يفتحها في وشك
ahmed
ده مدح بقي ولامستكترها علينا القصيدة اللي طلعنا بيها من الدنيا؟؟!!؟؟
هههههه
شرفتني بالزيارة
رائعه جدا
الله يا مي والله العظيم ابداع بجد احساس ممتاز وأداء عالي وأسلوب خطير
********************************
قبل ما انسي هو انتي مي اللي من
ميت غمر في طب الزقازيق؟؟؟؟؟؟؟ أصلي حاسس انو انتي علي فكره لو انتي والله العظيم انا وصلت لمدونتك بالصدفه البحته عموما انا سعيد الحظ اني وصلت ليها بالصدفه عشان اقرأ الكلام الرائع ده . أرجو ما اسببلكيش اي احراج واعتبريني واحد من الناس الكتير اللي قريت مواضيعك انا كنت ممكن اقرأ الموضوع وخلاص بس بصراحة الاسلوب عجبني فقلت لازم ارد ولو فيها شويه احراج
تحياتي واستمررري لانك موهوبه فعلا
زميلك
محمد الجوهري
لو كنتي فعلا مي اللي اعرف انها معايا
من ميت غمر
مي
وهمممممممممممم بجد
هستاذنك اضيفها في المفضله عندي
زيزي
الله عليكى رائعه بجد انا ديما بزورك بس مكنتش بكتب كومنت مش كنت بلاقي كلام اقوله بجد لان ا كلام هيقف عاجز قدام قصايدك الجميله بحس بصدق احساسها اوى
تحيات ليكى
إرسال تعليق