ليه ملامحك مش ملامحك...؟!!؟
ليه سكوتك مش خيال...؟!!؟
ليه بتلمس إيدي لكن.....
إني أحسك شئ محال...؟!!؟
ليه بتبعد..؟!!؟
ليه في حضني وش معايا...؟!!؟
تفتكر شرخ وهنرجع؟..
ولا دي بداية نهاية...؟!!؟
ليه بتديني السلاح وتشاورلي ع الوريد...؟!!؟
ليه بتأمر قلبي يرجع للمتاهة من جديد...؟!!؟
تفتكر أول مقابلة.....؟!!؟
كنا وفي نفس المكان....
نفس وشك...نفس وشي
نفس ملمسنا اللي ملهوف ع الحنان
لسه فاكر...؟!!!!؟
أيو عارفة إن إنت فاكر....
بس ناسي يعني إيه.....
يعني إيه الغربة وإنت جوا حضن إللي إنت فاكر...
إنه منك وإنت منه
يعني إيه قلبك في منفي....رغم إنه في حضن وطنه
يعني إيه إحساس مسافر ألف ميل....
وأما يوصل...مايلقيش لجناحه بر
يعني إيه توهة في مشاعري.......
ولا "اّه"محبوسة فيا ولسه مش لاقية الممر
يعني إيه بجمع ملامحي من البيبان
يعني إيه نار بين ضلوعي.....
يعني إيه شوق للأمان
يعني إيه شنطة في كتافي....
يعني إيه زحمة ميدان.....
يعين إيه دخان سجايرك لسه ساكن بين ضلوعي
يعني إيه تأمرني أرحل...وإنت بتحاصر دموعي
يعني إيه احمال تقيلة فوق كتافك وإنت راجع
يعني إيه مابقيتش تقدر...
تنسي حزنك زي ما إتعودت في زحام الشوارع
يعني إيه نفس المشاهد والمكان...
رغم إنك كنت لسه جنبي فيهم....
بس حاسة أنه زكري من زمان
يعني إيه كل الوشوش اللي تقابلها....
فجأة تشبه وش عشقك...
اللي بعد سنين طويلة...إكتشفت إن إنت لسه ماتعرفوش
فجأة يبقي كل عمرك... عدّي بس ماعشتهوش
ليه نسيت إن إحنا جمعنا الخيال؟!!؟
ليه نسيت الحلم بالعشق المحال؟!!؟
مش بلومك...
بس أرجوك لو هتسمح.....
عاوزة رد علي السؤال
هناك 52 تعليقًا:
السلام عليكم
ازيك يا استاذة
ايه الروقان دا يا عمنا
حد يجاوب علي السؤال يا ناس
لأن انا كمان محتاجه اجابة
بجد يا مي ما شاء الله
حاجه حلوة اوي
من جمالها مش عارفة اعليق غير اني اقولك انك قفلتيها بشكل مميز جدا وبأحلي كلام فيها بالنسبالي يعني
فجأة يبقي كل عمرك... عدّي بس ماعشتهوش
ليه نسيت إن إحنا جمعنا الخيال؟!!؟
ليه نسيت الحلم بالعشق المحال؟!!؟
مش بلومك...
بس أرجوك لو هتسمح.....
عاوزة رد علي السؤال
وفي تعبير كمان عجبني اوي
""ليه سكوتك مش خيال ""
من رأيك كده
مش كلام يجنن
سلام
ودعواتك لينا وليكي علشان امتحانات اعمال السنة
Nour/Nour
صحيح مش ملاحظة
اول حد يعلق
هيييييييييييييه
روعه
روعه
روعه
خسرت انا المرة دى .. مارديتشى أول واحد ..
الله الله يا مى
غيبتى غيبتى و رجعتى بقنبلة ..
آه و الله دا اللى ممكن يتقال ..
طول عمرى باقول على تعبيراتك و تصويراتك مش طبيعية ..
عارفة ..؟ احسن حاجة إنك عارفه إنه لسه فاكر .. علشان كل حاجة تبقى على المكشوف .. و الكلام ما يبقاش فيه معلش ..
دايما بتنهى القصيدة بأسلوب عجيب .. بينزل من القمة للقاع بسرعة .. و هدوء .. فى نفس الوقت و مش تسألى إزاى ..
ليا حق أقول عليكى مبدعة ولا لأ ..؟
مبدعة ..
مبدعة ..
مبدعة ..
وديما بنشوف وش عشقنا فى وشوش تعرفى
يمكن روحنى ابيه انها تنسى
يمكن بنهب من وش لوش علشان نقدر نكمل الصوره الى تاهت منا
والمشكله انها مش بتكمل ومش هتكمل
علشان الى بيتوه فى الواقع مبيكملش فى
الخيال
وصدقينى
كتير علامات الاستفهام بتكون اوقع من
الاجبات
ولو حسه انك محتاجه اجابه اصنعيها انتى
وتحياتى ياجميل بوست
رائع زى العاده
بس زعلانه على الاغنيه
:)
ابقى اسمعيها
الله يامي بجد..تحفة
بجد حلوة..واسألي اي حد عليا هيقلك اني مبحبش المجاملات..والكلام الي بقوله بقصده جدا جدا
فعلا عجبتني ومش عارة\فة اقول ايه اكتر من كدة
جميله يا مي
كالعاده
حزينه يا مي
كالعاده
وهقول اكتر بيت عجبني
كالعاده
لسه فاكر...؟!!!!؟
أيو عارفة إن إنت فاكر
دي تاني أو تالت مرة أقرألك شعر بالعامية ويكون مفاجئ ليا .. حقيقي حاجة جميلة جدا من غير مجاملة أو مبالغة
جملة واحدة بس اللي ما عجبتنيش هي
ليه في حضني وش معايا
كلمة وش دي مش حلوة خالص
غير كده الفكرة جميلة والإيقاع رائع
No Comment !!!
ياه بعد م خت قرار اني اقاطعت بلا رجعه
ارجع لك تاني
تقلبي علي قلبي
الاحزان
وخصوصا لما اكون في الحاه دي
----------
تفتكر شرخ وهنرجع؟
----------
ياه
مي وحياتي عندك بلاش احساس
معديه يا بنتى معديه والله طويله وتقليه وصعبه بس معديه
تفتكرى ممكن يجاوب
انا لو مكانه مش هجاوب
حلوة
بس مش حلوة اوى
شدتنى حجات قليله اوى
يعين إيه دخان سجايرك لسه ساكن بين ضلوعي
الله عل المعنى
يعنى لسا بياثر فيكى كلامه القديم
يعنى لسا بتحبيه
موضحكتك
لا دفا بايديك و لا رقة كلامة
مو لهفتك
اتصور انت
قبال عينى
و بين ايديا و ما عرفتك
بردانة ايديك حبيبى خالية من العواطف
ابتسم و اضحك حبيبى مالى جنبك ليه خايف
NOUR/NOUR
إنتي اللي أستاذة
كل دة بتشتغليني يانشوي؟!!؟
متشكرة أوي لمتابعتك الجميلة دي
.......
أعمال سنة إيه ياشيخة ..ماتحطيش في بالك.....من إمتي وإحنا بنهتم؟
........
صحيح:مش ملحوظة ولا حاجة:أنا سعيدة اوى إنك أول حد يعلق
أحمد حمزة
تلاتة مبدعة؟!!؟
ما أتحرمش منك ولا من كلامك الحلو يابلدياتي
.....
قوللي صحيح:هو موضوع رصف الطريق عند كليات جامعة الأزهر مش هيخلص بقي ولا إيه؟
......
اسامة بوكي
تسلم
تسلم
تسلم
ملحوظة:إنت قريتها مرة قبل كدة
محض روح
إطمني....إنتي أكتر واحدة عارفة إني صنعت الإجابة وصدقتها
وبطلت أهرب خلاص من وش لوش
بس في ملامح قديمة في الذاكرة لسه ليها القدرة إنها تفرض نفسها....ده حقها
......
أنا زعلانة ع الأغنية أكتر
إبعتيهالي ع الميل وخلاص
سلاااااموووووووز
بيسوو
ربنا يخليكي....كويس إنها عجبتك...ويارب دايما تعلقي بكلام قصداه بجد
....
شرفتيني
سلامة
متأخر يا أحمد كالعادة
كومنتك مقتضب يا أحمد كالعادة
رأيك يهمني ياأحمد كالعادة
سعيدة برأيك ده يا احمد فوق العادة....يعني زيـــــــــــــادة....زيااااااااااادة...مش مظبوط
يامراكبي
عذراً:كان خطأ مطبعي....هي في الأساس"ومش"0
الكيبورد خنصرت حرف
في إنتظار رأيك بعد تعديلها
وعموما شرفتني برأيك الجميل ده
وسعيدة بمتابعتك
شكراً
MR_TEA
Non Is Non
قاعدة في النحو"إمتناع جواب الشرط لإمتناع فعل الشرط"0
SO.....NO REPLY 4 NO COMMENT
شكراً علي الرأي اللي بيديني إحساس بالتفرد ده...يارب فعلا أكون استحقه...ده إن كنت قاصد الكومنت_قصدي النو كومنت_زي ما انا فهمته...م النص المليان
شكرا
هيثم
وأنا اللي بقول هو مختفي فين أتاريك حطيتني في ليستة المقاطعة
...
حالة إيه بعد الشر؟
....
عموماً:أوعدك هبطل إحساس وابقي جبله..ده لو كنت مابقيتش لحد دلوقت
camera_girl
تسلمي ياست الكل...من زوقك بس
تقيلة وطويلة وصعبة...ايه الميكس الرهيب ده!!؟
شرفتيني وميرسي ع الكومنت
vetrinary
تسمحلي انا بعد ما أشكرك ع الزيارة والتعليق طبعا إني "أوجهلك سؤال"...ليه لو مكانه مش هتجاوب؟!!؟
وياريت ماتقوليش.."مش هجاوب"0
عموما كويس إن فيها أبيات عجبتك مهما كانت قليله
اهو احسن من مفيش
.....
هو اّخر جملتين في الكومنت دول سؤال؟!!؟
عموما:مش...هرفض إني أجاوب
أيوة ياسيدي لسه بحبه وكلامه بأثر فيا
تحياتي ..ويارب البوست اللي جاي يعجبك منه برضه ولو حاجات قليلة
عاشور
تصور....؟؟!!! ما أخدتش بالي خالص إن القصيدة شبه أغنية كاظم
شكراً للفت إنتباهنا
......
صحيح:إنت كاتب الجزء ده من الغنية مجرد تلميح؟...ولا فعلا بتحبها؟
.....
شكرا لتعليقك يا استاذي..فرحت اوي بيه بجد...بس رجااااااااء
ابوس إيدك....عبرني ولو هتسيب تعليق سيبه بدري
وماتقوليش ..."بوسي"....لأني هكون مضطرة أرد عليك واقولك..."مرات نور الشريف"0
سلااااااام
عاشور
ملحوظة:إنت اللي جنيت علي روحك وإدتني تصريح اتغابي لمدة خمس سنين قدام
شكراً
هااااااااى مي
اعتذر عن عدم زيارتي لك كثيرا
و تعليقا على تلك القصيدة
رائعة كالعادة بجد
حلوة و مبدعة
انتى فاهمة انا بحب الشعر العامي جدا
بالمناسبة متشكر على اضافة مدونتي لاصدقائك
كريم
السلام عليكم
انا اللي استاذة ايه بس يا رئيسة قسم المشاعر والاحساس
صحيح:مش ملحوظة ولا حاجة:أنا سعيدة اوى إنك أول حد يعلق
ربنا يخليكي يا مي
ياصاحبة الزوق كله
بس لو تسمحيلي انا علقت تاني
علشان اوضحلك شيء مهم للغاية
انا
مش نشوي
سلام
Nour/Nour
مبدعه زي ما اتعودت منك في الحاجات اللي قريتهالك
بجد انتي ملكيش حل
ربنا يوفقك يا رب
و كالعاده يا رب كلماتي تعجبك
لحظة غروب الحلم وشروق الوداع
لحظة ما يجي الصمت ونموت م الضياع
لحظة حنين جوايا ليك .. بتناديك
قبل الوداع صدقني وحشاني عنيك
رايح فين .. ياللي السنين .. هدتني من غيرك
صرخ الحنين .. دمع و أنين .. وانا عايش اسيرك
ليه بتبعد عن هوايا وعن سنيني
و انت عارف الوداع ديماً يبكيني
لحظة وداع
تحياتي
تحفة.....
عودة حميدة بحاجة رائعة....
عجبنى اوى من بداية...يعنى ايه....؟
كل اليعنى ايهات عجبتنى....
تحياتشى يا قمر
كريم
ماتعتذرش ولا حاجة...وأتمني متابعتك الدايمة
وأنا يشرفني ده ويسعدني غضافة مدونتك في اللينكات
العفو
شكـــــــراً
NOUR/NOUR
رئيسة قسم مرة واحدة؟!!؟....كبيرة عليا دي أوي
بس عموماً:شكراً
"سعيدة إني أول حد يعلق"
والله فكرة
عموما شرفتيني يا....نور/نور
PROID
تعليقك رائع كالعادة
وكلماتك جميله...أجمل م القصيدة كملن
شكلك كدة بتحرجني
ههههه
شرفتني
DANDANA
ربنا يخليكي ياقمر إنتشي
.....
ميرسي لرأيك الجميل ده
تحياتي للجميع
وحشة بجد وحشة
حطيها عندك في الدفتر و اكتبي عليها مذكرات مراهقة
مش حقول غير كده
وعشان تصدقي انها وحشة اقري
عاشقة
الجرنان
غفران
علي شفتيك
جوا حضنك
قد لا أسامح
وبعدين اقري دي تاني
بس خلاص
سورى يا مى .. هو احنا بلديات صحيح .
أول مرة آخد بالى .. بس اللى اعرفه انك من المنصورة
مش كده ..
ممكن تكون طلعت آوت امرة دى
أصلى أنا من الزقازيق
عموما آهى كلها مصر
مش كده
شادي
1_
حمدالله ع السلامة ووحشتنا
2-
ماقلتليش وحشة من حيث إيه بالظبط...يعني وحشة كعمل أدبي مكتوب ولا من حيث فكرتها نفسها؟!!!؟
رأيك يهمني...في إنتظار الرد
3_
علي العموم...تسلملنا نصايحك
4_
ماتختفيش تاني.......سلاااااام
أحمد حمزة
بلدياتك في الدراسة...أنت ناسي ولا إيه؟!!؟
ya binti seebik min eltadween , 7agatik di kolaha lazim tonshoreeha fi kitab, inti 7aram fi 3alim eltadween el iftiradi dah. salam ya mo3gezah
bosah
حفصة
وحشتيييييييييني أوي بجد
متشكرة لزيارتك وكلامك الجميل اللي وحشني ده
دعواتك لينا
........
BOSTEEN TALATA YA GAMIIIIIIIL
ماتغيبيش تاني
اقري القصايد اللي قولتلك عليها
وشوفي الفرق في جمال التعبير والمعني
انا مش عارف اقول ايه
بس انا حاسس انك مسكتي قلم وقلتي يلا انا حألف قصيدة
هوب
هوب
دقيقتين
ونزلتيها بوست
كنت خلتيها قصة قصيرة احسن
هو ده رأيي
انا بقى بسألك
انت عجباكي القصيدة
بلاش
قارنيها بالقاصيد السابقة و اديها نمرة من عشرة وقوليلي اديتيها كام
شادي
كويس انك رديت علي سؤالي
بص ياعزيزي
ممكن فعلا تكون القصيدة مش حلوة
بس علشان انا اقيم شعر كتبته فوقتها مش هعتبر نفسي انسانة بتفكر صح
انا ممكن اقولك اني بحب قصايد معينة من قصايدى لكن ارتبها بنسب مئوية من حيث الجودة يبقي ده_اسمحلي_تصرف مش صح بالمرة
الحكم للي هيقرا مش اللي كتب
لأاني لما كتبت كنت حاسة اللي بكتبه اوى والاحساس من القلب لكن التقييم اللي القارئ بيقيمه بيبقي بالعقل قبل الاحساس والعقل والقلب ماينفعش يجتمعوا في نفس الشخص وخصوصا في حاجه هو اللي كاتبها
.......
انا سعيدة بنقدك ياشادي جدا...ع الاقل بتديني فرصه اتناقش مع حد في اللي انا كتباه
ميرسي علي متابعتك واهتمامك
شرفتني
شريف
ميرسي لمتابعتك ولذوقك
كلامك الحلو ده انا مش قده
وعموما كونك اخدت البلوج بتاعي وحطيطوه في اللينكات عندك فده شئ يسعدني ويشرفني بج
وانا اللي المفروض أشكرك عليه وأعتذرلك عن تأخير ردي عليك
معلش بجد ظروف امتحانات
متشكرة جدا
حلو يامى
هاييييييييييييل
يسلم قلمك
arb3bosat
ماتحاولش يا أستاذ أحمد
مخصماك يعني مخصماك
ايه الغيبة دي كلها....ولا حتي تليفون؟؟
وعموما:شرفتني وميرسي علي الكلمتين الحلوين دول
شكرا
الله يا مـي .... بجد ، وعلى الرغم إني فاكر إين عديت عندك قبل كده ، ما قريتش شـعـر !! ، لكن دي حقيقي تحححححـــفة ، وتثبت ـ بما لا يدع مجالاً للشـك ، إنـك شـاعرة موهووووبــــة جدًا . . . ..
أنا شوية مستغرب كلام شادي ! ، بس هوا أكيد ليه وجهة نظر !
أنا عمومًا بحب الشـعـر كللله ، ودي حسيتـها جدًا ....
بالمناسبة عجبني تعليق عاشور كمان :)
بـــس (بدون مناسبة بقى) ، حاسس قصيـدتك أحلى من (موضحتك) ، وإن كانت حالة قريبة ..........
بالمناسبة
حقيقي عاجباني قوووي ، ومش عارف أقول غير كده
أنا هحتفظ بالقصيدة ، بعذ إذنـك
وصباااااح الورد
إبراهيم...معايا
إيه المفاجأة الجميلة دي
صباح الورد والياسمين كمان
وميرسي علي التعليق الرقيق ده بجد
وطبعا يشرفني أحتفاظك بالقصيدة.....هو أنا أطول
نورتني بجد بالزيارة الحلوة دي
شكرا
بصى مبدئيا بجد
انتى فنانة وموهوبة جدا
القصيدة دى عجبتنى بشكل مش طبيعى
عبرت عن احساس كتير بنحسة
اما بنكون بنحب ومش حاسين لهفة حبيبنا واحنا بين ايدية
بجد عجبانى اوى
يمكن اكتر حاجة عجبتنى
مش فاهمة مش راى شادى فيها كدة ازاى!!
بجد انتى موهوبة يا مى
بتمنى لك التوفيق بجد
heba labib
ميرسي ليكي ياقمر علي الزيارة الجميلة اللي شرفتني كتييييير وادتني الفرصة اني اتعرف علي مدونتك الرقيه طبعا
تعليقك جميل وفرحني بجد
اتمني دايما اكون عند رايك الجميل ده وكلامك الحلو في حق العبدلله
نورتيني
واتمني الزيارة تتكرر
ازيك يا مبدعه
البوست ده عجبنى اوى اوى وخصوصا انى حسساكى بتتكلمى بشموخ وثقه جامدين جدن
ربنا يوفقك
الى الامام
BoTaNesToKeeSoo
ميرسي ليكي ياقمر علي الزيارات الحلوة اللي بتنور المدونة
كلامك بيشجعني جدا ............وميرسي علي تشجيعك
على فكرة
انا من متذوقي الشعر
والشعرية
والمكرونة
في الفرن
تسلم ايديكي
حاجة حلوة قوي
طهقان
:::::::::::::
واضح فعلا موضوع التذوق ده بالذات من اخر بوست شهي وريحته مفحفحه علي مدونتك
ههههههههههههه
نورتني وفتحت نفسي
يارب دايما تشرفني كده وتسيب تعليقاتك المحبشة دي
إرسال تعليق