20‏/03‏/2007

مـــــتــــرو


لقد أخطأت وجهة رحلتي.....ذلك هو ما أدركته حين سمعت صوت إنزلاق عجلات القاطرة علي القضبان من جديد...إبتسمت في صمت حين أبصرت اللافتة ... تلك التي تبينت منها أنني في محطة غير التي كنت أقصدها... لم يكن للأمر علاقة بصخب عربات المترو،،،،، أو سمرة الليل،،،،،،،، او خفوت الضوء علي الأرصفة...إنما هو شئ ما في داخلي أنا....هي أحزاني ...تلك التي إنخرطت فيها منذ أن أغلقت بيني وبينه سماعة الهاتف للمرة الأخيرة وقد أخبرني أنها نهاية رحلتنا سويا....نهاية القصة التي حسبتها _يوما_ستحيا خارج حدود الزمن ،، فهو لم تعد تغريه بحاري بالمزيد من الترحال

هي ذكرياتي التي كانت تزداد إختناقاً في تلك العربة المغلقة ،،،،،، وزفراتي المحترقة التي لم تجد طريقاً لتتبدد في زحام الأنفاس داخلها

لا شئ يسرقني من احزاني خارج زجاج العربة السميك الداكن...فهنا لا أبصر غير رصيف ممتد يضيق بدموع وداع راحلين ويأن مع اناتهم ،، وجدران باردة تراقب مع عيون الزمن بسمات إرتسمت علي شفاه من هم علي موعد باللقاء....وفي الجهة المقابلة ليس هناك سوى عربات تتحرك بمحاذاتنا ...هي قد لاتخلو ممن هم مثلي أو مثل من إزدحمت بهم الأرصفة

نظرت لتذكرتي....أنها ستغادر أصابعي بعد قليل....فهي كذكرياتي الدافئة...كي أمضي ...أبداً لا أستطيع الإحتفاظ بها........

عليّ الاّن أن أغادر هذا الرصيف فهو لم يعد طريقي بعد...عليّ أن أنتقل إلي الرصيف الاّخر...فمن هناك فقط يمكنني العودة إلي حيث أتيت أو الإتجاه إلي حيث كنت أريد.

أخشي ألا يسمح لي الزحام بإتمام رحلتي...ربما يكونوا من هم بإنتظار تبادل أدوارهم في الصعود والهبوط هناك احق مني بالمضيّ..قد تكون هذة هي وجهتهم التي قصدوها منذ البداية وليسوا مثلي عائدين من وجهة أخطأوها...لكني سأحاول...فلم يعد أمامي الكثير من الوقت....... والقاطرة أبداً لاتنتظر

إبتسمت طويلاً وأنا أمضي فأنا لم أكن أدرك انني سوف أتكلف كل هذة المعاناة لمجرد أنني أخطأت..."محطة مترو"

هناك 49 تعليقًا:

غير معرف يقول...

سلام عليكم
ازيك يا دكتورة

ايه العبقرية دي


بيعجبني فيكي تصويراتك اوووووووووي

ما شاء الله



الجزأ دا جذبني اوي ""لا شئ يسرقني من احزاني خارج زجاج العربة السميك الداكن...فهنا لا أبصر غير رصيف ممتد يضيق بدموع وداع راحلين ويأن مع اناتهم ،، وجدران باردة تراقب مع عيون الزمن بسمات إرتسمت علي شفاه من هم علي موعد باللقاء.""


رغم ان كل الكلام يجنن



ربنا يوفقك يامي


صحيح متشكرة لكل الناس اللي بيعلقوا انهم ام اخدوش بالهم وسابولي الفرصة دي

اني اكون اول حد يعلق
واول حد يغير في المحطة دي
محطة المترووووووو


علي ايدك يا اسطي



سلام


nour/nour

أحمد سلامــة يقول...

حلوه يا مي
الجزء الأخير منها تحفه
عدلها كتير لاني توقعت انها تكون مكرره
كمعظم قصص القاطرات والسفر
بس انتي أحرجتيني
مااااشي
بتحرجيني ؟؟

الاسطى يقول...

ممتازة يا مى
و هادية اوى . اوى
خليتينى سرحت و الله معاكى فى كل كلمة
ماشاء الله
اسلوب ولا اروع

hoda omran يقول...

رقيقة كالعادة يامى
بترسمى الصور تحسسينى ان هى ادامى

نهاية القصة التي حسبتها _يوما_ستحيا خارج حدود الزمن ،، فهو لم تعد تغريه بحاري بالمزيد من الترحال

الحتة دى وجعتنى اوى
تحياتى ياجميل

غير معرف يقول...

بصى يا مى بجد انا مش لاقى حاجة اقولها غير
انك بجد ممتازة كعادتك
متميزة فى تعبيراتك
وبساطة كلماتك
برافو يا مى

قصاقيص يقول...

NOUR/NOUR
وعليكم السلام
الله يسلمك أنا تمام الحمدلله
ولا عبقرية ولاحاجة...انت بس اللي مجاملة حبتين..وعموما ميرسي ليكي
......
شرفتيني بالزيارة جدا وبالتعليق
تؤمرنا ياباشا
سلااااااااااام

قصاقيص يقول...

سلامة
مين ده اللي يقدر يحرجك يا أستاذنا؟؟!؟
إنت ناسي إنك انت اللي ليك السبق في موضوع القصص القصيرة ده...وزى مابيقولوا الأستاذ يعرف أكثر
ثانياً:أنت واحد من اللي علموني ان ورا صوت عقارب الساعه فرصة كبيرة للخروج عن المألوف والمكرر
.........
والمهم أنها عجبتك...ولو إني حاسة من تعليقك إنها مش عاجباك أوى
مين بقي اللي بيحرج مين دلوقت؟!!!!!!!؟

قصاقيص يقول...

أحمد حمزة
أشكرك لمتابعتك وكومنتاتك الرقيقة المشجعه

قصاقيص يقول...

همسات
سلامتك من الوجع ياجميل
يقطعني ويقطع كتاباتي لوكانت هتجرحك
معلش هي طلعة مني كدة لأني كنت حاساها بجد
سماح بقي المرة دي
ما أتحرمش من متابعتك
سلام

قصاقيص يقول...

seef el3ashk
ميرسي ليك ياسيف أوى
أنت بس اللي نفسك حلوة وشايف كتاباتي حلوة....يارب أكون دايما عند حسن ظنك
تحياتي ليك وللجميع

vetrinary يقول...

اول مرة ادخل هنا
انا اسف ان كنت دخلت قبل ما استاذن
لغتك حلوة وماسكه القصه بحرفيه المبتدئين
مع الاعتذار لاستاذنا جابر عصفور انى اخدت جملته الشهيرة
ربنا يوفقك

vetrinary يقول...

اول مرة ادخل هنا
انا اسف ان كنت دخلت قبل ما استاذن
لغتك حلوة وماسكه القصه بحرفيه المبتدئين
مع الاعتذار لاستاذنا جابر عصفور انى اخدت جملته الشهيرة
ربنا يوفقك

قصاقيص يقول...

vetrinary
شرفتني بأول دخول ليك عندي في المدونة وبأول تعليق
ولا إستئذان ولا حاجه....ماتعملش فرق وخلي البساط احمدي
ميرسي علي تعليقك المشجع....وبشاركك الإعتذار للأستاذ"جابر عصفور"0
تحياتي وشرفتني بالزيارة مرة تانية

Ahmed EIssa يقول...

اولا:نهاية القصة التي حسبتها _يوما_ستحيا خارج حدود الزمن ،، فهو لم تعد تغريه بحاري بالمزيد من الترحال

انتي بتجيبي الكلام ده منين؟

كفاية بقي يامي..ارجوكي كفاية الواحد مش ناقص..اكتبي عن الورد..الربيع..اي حاجة تنسي الواحد اللي هو فيه انتي بتمدي ايدك جوه جرح الواحد وتضغطي عليه تعصريه تنزلي الكلام ده

اقولك..جاوبي ع التاج اللي انا باعتهولك..

اقول ايه بس..فترة وحتعدي..لسة فاكرة الملحوظة؟

يلا سلام..متنسيش تجاوبي ع التاج

عمرو غريب يقول...

الف شكر علي التعليق الجميل

vision يقول...

انتى طلعتيلى منين يا بنتى حرام عليكى بجد انا دمعت....انا متأكده ان ده احساسك فى اى مكان بمجرد انك تكونى ماشيه لوحدك والجو مساعد يعنى مش هقوللك غير ربنا يعينك

بكره الى جاى احسن اكيد وان كنتى غع لطتى فالمحطه فساعات بتغلطى فالمحطه بس مش بأختيارك الواحد ساعات بيقف فى محطه وبيفتكر ان هى دى الى هيسكن فيها لكن مع الأسف بيجيلو قرار ازاله وبينقلوها فى حته تانيه ...جايز ويمكن اكيد المكان الجديد للمحطه هيبأه احسن

عارفه انى رغيت ورغى فارغ جايز تكونى مفهمتينيش لكن انا فهمتك وحسيتك وتعبتيلى اعصابى معاكى سلاام يا قصاقيص

raspoutine يقول...

كلامك جميل يا مى وبسيط اوى وعارف طريقه للقلب كويس
وجميل اوى تشبيهك حياتنا بأنها مراحل ومحطات ولكل مرحلى محطة
بس اكيد فى النهايه لازم يكون فيه محطة وصول اخيرة
وانا بتمنى انك توصلى للمحطة الاخيرة بسلام وتلاقى الشىء اللى انت مفتقداه

تحياتى ليكى يا صاحبة الاحساس المرهف

ايمن فاروق

dandana يقول...

مش ممكنة...
ماتعرفيش قد ايه بحب الاسلوب اللى كتبتى بيه دا....
عندك تصورات وتفاصيل رائعة....
انتو بتكتبوا الحاجات دى ازاى بس...


على فكرة احنا بصرة....
انا اسمى مى برضو ..ومن المنصورة....

سعيدة انى كنت هنا

الأرمـوطــي يقول...

الله الله يا مى اجمل بوست قريته من سلعة معملت مدونه موضوع القطارات موضوع خصب وتعرضله كتير من الكتاب بس بصراحه انتى غلبتى الكل من وجهة نظرى اسلوبك سهل وبسيط لكنه عميق جدا وله تاثير واسع فى النفس

قصاقيص يقول...

أحمد عيسي
"لكي تستطيع أن تتحدث عما بداخلي فأنت بحاجة لأن تصبح انا"
دي مقولة تخصني وبحبها اوي...وشئ جميل لما ألاقي حد كاتب حاجه عايشة جوايا أو أكتب حاجه عايشة جوا وقتها بس بحس إن صلاح جاهين كان عنده حق ورؤيا
واسعة لما قال" الهم واحد والملل مشترك"0
بس اّسفة لو كان كلامي بيجرح...فضفضة بقي معلش
ملحوظة: ماوصلنيش تاج منك خالص ياباشمهندس
وعموما ملحوظتك للتعقيب علي ملحوظتي بتسعدني جداً
شرفتني

قصاقيص يقول...

عمرو
العفو يابلدياتي
شرفتني

قصاقيص يقول...

CAMERA_GIRl
كلامك اللي بتسميه رغي مش كده خالص ومش رغي أبداً.....وأنا فهمته كويس جداً وحسيته
ميرسي ليكي ويارب فعلا يكون اللي جاي أحسن
هسمح لنفسي أستعير كلمة قالهالي صديقي "MR_COFFEE"
أجمل اللحظات هي التي لم نعشها بعد
شرفتيني جداً جداً
ودعواتك

قصاقيص يقول...

RASPOUTINE
أيمن:متشكرة لمتابعتك المحفزة دي......وأتمني إني لما اوص المحطة المطلوبة يكون عندي قدرة وطاقة استمتع بحصولي أخيرا علي الوطن المنشود
تحياتي

قصاقيص يقول...

DANDANA
ميوي بلدياتي الجميله: أولاً وقبل أي حاجة شرفتيني جداً جداً
أنا اللي اسعد بجد إنك كنتي هنا
ثانياً: ميرسي علي رأيك الجميل ده
ثالثا: متشكرة أوى إنك إديتيني فرصه أعرف مدونتك الرقيقة دي
تحياتي ليكي ولمعشوقتي الأولي...المنصورة

قصاقيص يقول...

الأرموطي
إيه الرأي الجميل ده من أول زيارة
أشكرك بشدة يارب دايما كتاباتي عند حسن ظنك
شرفتني
وبلاش تكون جاي المدونة وحد من عيلة الجابري مراقبك
ههههههههه
تحياتي

Yasser Hussein يقول...

أنا نفسي أعرف بالضبط
أنتي بتكتبي ولا بترسمي ولا بتمثلي
أنا بحس بكل ده في كتاباتك
الاحساس المسرحي التمثيلي
والصور الجمالية التشكيلية
استمري ...إلى الأمام دائما
خالص تحياتي

غير معرف يقول...

قصاقيص
ازيك وحشتك انا بس معلش ظروف والله

انا مقريتش البوست لانى مش بحب المترو
هستنى البوست الجديد بس يكون بعيد عن السفر والترحال بقى
اوكشااااااااااااات

elkamhawi يقول...

أنا أمضي فأنا لم أكن أدرك

يا مراكبي يقول...

أنا مش هاتكلم عن البوست لأنه أكتر من رائع .. لكن هأقولك حاجة تانيه أهم

أهم حاجة في وسط زحمة المؤلفات الموجودة في العصر ده هي تميز الأفكار .. كل ما كانت الأفكار جديدة .. كل ما هتوصلي أكتر لقدام

إستمري على كده .. وتحياتي

Ahmed EIssa يقول...

رد بقي علي الملحوطة:جالك مني تاج..وتاج حياة او موت ممكن يبقي فيهاا اعدام فلو سمحتي ردي عليه

ردك جميل قوي اقنعني..تحياتي يا مي..

قصاقيص يقول...

أ/ياسر حسين
أخجلتم تواضعنا يا أستاذنا
أنا مش قد الكلام الجميل ده كله .يارب اكون أستحقه واستحق متاعبعتك لينا
تحياتي

قصاقيص يقول...

أسامة
ولما عارف إنك وحشتني مابتسألش ليه؟!!؟
ماتزعلش روحك ...... المرة الجاية مش هتكلم عن المترو.....نخليها نزهة نيلية ولا رحلة مكوكيه
إنت تؤمر
أوكشااااااااااات جداً

قصاقيص يقول...

elkamhawi
معقول مفيش جملة عجبتك في القصة غير دى؟؟ ولا ياتري ده ملخص مضمون القصة من وجهة نظرك؟؟
في كل الأحوال معاك حق
ميرسي علي زيارتك جدا

قصاقيص يقول...

يامراكبي
أشكرك علي الزيارة الجميلة والتعليق الأجمل والنصيحة الغالية دي
أشكرك بشدة وشرفتني

قصاقيص يقول...

أحمد عيسي
ياباشمهندس كده هنقضيها ملحوظات بقي
صدقني وحياة الفلوس اللي غرمتها في عيد الأم ماوصلني منك تاج خالص
أنا مش هرابة ولا إنسحابية والله لو وصلني كنت جاوبت عليه ونشرته
ويبقي علي رأي الأستاذ مدبولي:"كل شيق إنكشفن وبان"0
تحياتي ليك

Rosa يقول...

بصي يا مي بجد و الله مش لاقية تعليق عندي على كلامك الرائع دا بجد وصفتي حالة روعة
عجبتني قوي الجملة دي "فهو لم تعد تغريه بحاري بالمزيد من الترحال

"
اشكرك بجد يا مي
اشكرك

محض روح يقول...

انا اسفه انى اتاخرت
بوست حلو يامي

و تعرفى المشكله اكتشفنى اننا احنا الى كنا خارج حدود الزمان مفهمناش صح
تحياتى ياجميل
رقيقه موووووووووت
زى العاده
:)))))

dandana يقول...

انضم معانا....لرفض التعديلات الدستورية

قصاقيص يقول...

ROSA
أنا اللي بشكرك علي الزيارة الجميلة دي
تحياتي

قصاقيص يقول...

محض روح
إتأخرتي يادندون ودي مش عوايدك...هنتحاسب علي ده بعدين
بس تعرفي لو إحنا اللي خارج حدود الزمن هيبقي تفرد لأن ده معناه الخلود
....
إنتي أرق

قصاقيص يقول...

DANDANA
أنا مش معاهم...أنا معاكي
اكيد منضمة
بس يارب ييجي بفايدة
تحيــــــــــــــاتي

كلام لوجيك يقول...

بوست هايل وتركيبة قصة وحبكة مميزة حقيقي
تصويرات وتشبيهات موضوعه باحتراف وفى مكانها الصحيح داخل جسم الموضوع
عجبنى جدا تحكمك فى ادواتك وكلماتك ، فهذه ملكة وموهبة فريدة

خالص تحياتى
اسامة

Mr_Tea يقول...

و الله العظيم يا بنتى إنتى أديبة بجد
ولو كنتى مش واخدة بالك من ده تبقى لامؤاخذة... إحم .............
ماعلينا . المهم القصة فعلا جميلة و رغم إن فكرة المترو (القطار سابقا) قديمة و لكن معالجتك رائعة و ربطك للأمور مع إستخدامك للإسقاط هايل
معلش مصطلحاتى جامدة شوية بس هعمل إيه عالم بقى 0
تحياتى

قصاقيص يقول...

كلام لوجيك
ميرسي ليك يا أسامة علي الزيارة الجميلة دي وعلي التعليق الحلو والكلام الكبير اللي أنا مش قده ده
شرفتني بجد واسعدتني جداً بزيارتك
شكــــــــــراً

قصاقيص يقول...

MR_TEA
بقي هي دي اّخرة العيش والملح اللي مش بينا بالمرة....حصلت تقولي في وشي إني..."لامؤاخذة"؟!!؟
ههههههههه
عموما أيها العالم ماعلينا
ومتشكرة أوي علي رأيك الجميل ده للمرة التالته وعلي الكلام المكلكع..قصدي الكبير ده
تحياتي

قصاقيص يقول...

Sosa
ميرسي للزيارة

كراكيب عادل يقول...

فهنا لاابصر غير رصيف ممتد يضيق بدموع وداع راحلين ويأن مع اناتهم


ايه دة بجد روعة

ربنا يكرمك

قصاقيص يقول...

كراكيب عادل
ميرسي ربنا يكرمك
ميرسي ع الزيارة الجميلة دي

قصاقيص يقول...

شريف
بروفسيور مرة واحدة؟!!؟
ربنا يكرمك ياشريف
انا اللي يشرفني زيارة مدونتك بجد
متشكرة لدعوتك الرقيه دي
تحياتي