علمونا الخوف في أول عمرنا
دوقنا المر إحنا وأهلنا.....
واللي ماتوا قبل منهم.......
واللي جايين بعدنا..............
علمونا إزاى نطاطي؟ إزاي ننخ؟؟
علمونا إن الكلام في الحق " كخ"
قمنا خفنا من خيالنا لما قدروا يتوهونا
في ألف لعبة وألف فخ
علمونا نحوش عنينا من النظر
قاموا نسونا حقيقة" إننا كنا بشر"
عودونا ع السكوت
خفنا يفتكرونا ثرنا
لو نزعق في البيوت
حتي لما كان يجلدونا
كانوا برضوا بيأمرونا.......
"إعوا حد يبانله صوت"
زودوا في الويل كمان.....
دربونا نبني أكتر في الحيطان.................
نستخبي في ضلها............
وإحنا م الشوق للأمان...............
إختفينا جوا منها....." مش مشينا جنبها "
خوفونا م الكلام
علمونا وإحنا في بطون أمهاتنا....
"" السكوت فيه السلام ""
كلت عيش حاف أو مكلتش
إوعي تتكلم وترمش
بوس ايديك إن إنت عايش
وإنكتم وإسكت وطنش
زى قبلا ما علمونا نلغي صوتنا
وفهمونا اننا _ وبفضلهم _ عايشين حياتنا
مش بعيد من بكرة ييجوا يأمرونا..........
إن إحنا لازم برضه " نستأذن في موتنا "
هناك 4 تعليقات:
بيتهيألي إن أكبر نجاح ممكن نعمله في حياتنا دي ، هو إننا نفشل في كل حاجة علموهلنا
علمونا إزاى نطاطي؟ إزاي ننخ؟؟
"علمونا إن الكلام في الحق " كخ
بصراحة بيتين مثاليين كنموذج للشعر العامي الجميل
ولسه
سلامة
امر طبيعي اننا نفشل لاننا مش مقتنعين باللي بيعلموهلنا....... بس الغريب انهم لسه بيعلمونا تاني وتالت بيطبقوا مبدأ" علم في المتبلم" المهم اننا نرفض الي بيعلموهلنا
شكرا
جميل جدااا
بجد اسلوبك جميل
بارك الله فى قلمك
big girl
اشكرك علي زيارتك............ ودعواتك
إرسال تعليق