28‏/10‏/2008

شتات




لأعترف لك: لقد راقبت وجهك علي إمتداد خطواتنا ونحن نجوب شوارع المدينة سوياً باحثة عن عبوس أو إبتسامة لوجه فتاه فأعلم انها هي...
نعم ,, لقد تعمدت الحديث بعجرفة إلي صاحبة الملامح المستدقة التي جلست إلي جواري في العربة اليوم , بل وإزداد مقتي لها حين تحققت من أصابعها النحيلة فلربما كانت هي...
اعلم أنك لم تصفها لي يوما ولكن هكذا تخيلتها حين لملمت شتات شظاياها المتناثرة في عينيك حتي اليوم.
ليتك لم تخبرني أين كانت تسكن كي لا أجتر تفاصيلها مع كل وجه أنثوي يستوقف سيارة الأجرة مناديا بإسم الشارع ذاته.
عشرون عاما وإسمي يروقني ولم أشته من الأسماء حروفا سواه حتي رايتك وشفتاك تستعذب النطق بإسمها...يليق باميرة ,عاشقة, زوجة لرجل حالم مثلك,,أما اسمي فهو صاخب كحماقات طفلة لاتكبر ابدا..
عشرون عاما لم أعاتب أمي عن إختيارها لكياني هذه الحروف بالذات ولم أقترح عليها اسما اّخر لي _وكأن الدنيا ستدور الي الخلف وتعاد الأمور من بدايتها_
عشرون عاما حتي هذا الصباح, صدقني لم أخطط للأمر ولكني إستفقت علي المذياع وصوت أثير لديّ يتغني باسم حبيبتك العتيقة فتخيلت انك _وبمحض الصدفة_أدرت مؤشر مذياعك علي التردد ذاته وإستمعت,وتذكرت, وربما...إبتسمت
حاورتني أمي وكأنها أيقنت الكائن خلف ثورتي الصباحية وإسمي المقترح_عفواً_أقصد إسمها المقترح.أخبرتني أني لو كنت صاحبته لكن لي من الحظ مثل ماكان لصاحبته...فإنتشيت أنه لم يكن لي , كي لاأرحل ,أو أخون , أو أخلف جرحاً غائراً...لكن لم تدم فرحتي طويلا حين تذكرت أن مزيجاً من لحن هادئ وصوت يتغني باسم حبيبة رحلت ,وجرحاً في مرحلة مابعد العنفوان قد يخلف بداخلك قشعريرة تصنع لذة للدفئ في مثل هذة الأيام الباردة.

هناك 36 تعليقًا:

محمد العدوي يقول...

نثرك جميل كشعرك يا مي ..

متجانس .. ألوانه كلها صافية ماشية مع بعض ..


شكرا لك .. ومرحا للعودة ولو بهذا الشتات ..


:)

Dr. wessam kabil يقول...

الله عليكي وعلى احساسك يا ام قلب ابيض

ارجو الاستمرار في السرد

يارب دايما بالتوفيق والثبات .. بعيدا عن الشتات

Mina يقول...

يااااااااه اخيرا نزلتي حاجة جديدة
مبرووووك يامي
حلوة قووووووي القصيدة النثرية دي
بجد جميلة جداااااااا
ولو انها زي ماقلتلك قبل كدة
زي كل اللي قبلها بتدور حوالين حاجة واحدة
بس معلش اكيد كلها فترة وهاتعدي ونشوف حاجات جميلة في نفس المستوي ده واحسن ومواضيع متنوعة
تحياتي يافنانة

الاسطى يقول...

الله أكبر
الف الف مليووووووووووووووووم\ن مبروك على الرجوع يا مى
الف مليون مبرووووك
ماقريتشى ولا كلمة لسه ..
بس من قبل ماقرا عارف إنها بالتأكيد درر ..
عود أحمد يا ست البنات

الاسطى يقول...

كمثل حبات اللؤلؤ تناثرت كلماتك أمام عيانى فلم أدر من أين يأتى السحر ولا كيف الخلاص
الكلام جميل أوى ... مش عارف أعبر عنه إزاى بصراحة .. حلاوته فوق الوصف بجد ..
و فعلا دى قصيدة نثرية زى ما قالت منامينو ...
و أكتر حاجة عجبتنى أهى
مزيجاً من لحن هادئ وصوت يتغني باسم حبيبة رحلت ,وجرحاً في مرحلة مابعد العنفوان قد يخلف بداخلك قشعريرة تصنع لذة للدفئ في مثل هذة الأيام الباردة.
تحياتى ليكى يا مى ..

dandana يقول...

حيرة وشك وتوهة
فى نص متماسك وأنيق

حبيته أوى يامى

بجد برافو إنك أخدتى فكرة بسيطة وحولتيها لنص شيك كدا

mohamed ghalia يقول...

حقيقى إحساسك رائع قوى وكلماتك رائعة
تقبلى تحياتى وإعجابى

غير معرف يقول...

طب طز فيكي كملي في القصة يا عفريته ولما هشوفك هشد ودانك العمل حلو ولما نتقابل هكلمك فيه
إبراهيم الجهيني

قصاقيص يقول...

محمدالعدوي

منورني يادكتور بجد
وفرحني اوي ان تعليقك الجميل المشجع ده احتل الصدارة في كومنات بوست العودي زي متبسميه
اشكرك بجد
ونورتني

قصاقيص يقول...

ويسااااااا

مزتي اللذيذة...
انتي اول واحده سمعتي النص ده يوم ماكتبته..طبعا ده شرف ليا

عيب عليك...عاوزاني استمر في السرد وتقطع علي بعض
لايمكن ابدا
ده انا اسرح بلب وسجاير وماعملهاش

ماقلتيش...العنوان ايه رأيك؟

قصاقيص يقول...

Manamino

مينا صديقي
والله ليك وحشة بجد
وطبعا رايك تحليلك العميق -بعيد عن النص-للجو النفسي الشبه موحد انا فكراه

ولو اننا يومها ماكملناش نقاش والنت اتغابي علينا

تسلم ياقمر
ويارب دايما منورني

قصاقيص يقول...

الاسطي

ابو حميييييييييد
فينك ياعم
ولا ايميل ولا الهوي كده
ده احنا حتي بلديات في جامعه واحده

بجد يا احمد بفرح جدا وبنتشي في ثقه لما بلاقيك حرص علي متابعه المدونة كده

وتعليقك فرحني بجد لانك حد بيكتب باحساس وانا سعيدة ان الاحساس وصلك منها صح
يعني انفع في النثر؟

علي فكرة القفله انا حباها ولو اني خايفه منها لما تتقيم ادبيا في اي قعده حاسة اني هسمع كلام فل بصراحه اصلي سمعت اراء فيها بتقول انها ماتعتبرش حيكة

علي كل حال
انت دايما منورني ورافع من روحي المعنويه

قصاقيص يقول...

dandana

ميويه
منوراني ياسكرة

تسلمي ياقمر
وبجد نورتيني
ويارب دايما اكون عند حسن ظنك
تحياتي

قصاقيص يقول...

أ_إبرهيم الجهيني

باشا
ايه ده بجد؟؟
حضرتك عندي هنا ع المدونة المتواضعه بتاعتي؟
والله انا في الاول شكيت ان حد بيهزر
معايا وعملهالي مقلب بس تاكدت انه حضرتك من مستهل التعليق"طب طظ فيكي" لان دي الكلمه اللي بحب اسمعها من حضرتك دايما لما توبخني او تشجعني الاتنين في نفس الوقت
بجد ده يوم عيد
وفرق معايا كتير اوي ان النص عجب حضرتك
وليا الشرف ان حضرتك تناقشني فيه لما نتقابل وهجز وداني للشده..ده شرف ليا ياريس
واتمني اني اكون عند حسن ظن حضرتك في النثر


بجد
مليون منورني
وتسلملي يارب

الاسطى يقول...

مانا بعتلك رسالة على إيميل الياهو بتاعك ... ياريتك تكونى قريتيها ... و لو كنتى قريتيها ... ياترى هاتردى عليها ..؟

هويدا صالح / عشق البنات يقول...

قصقوصتي الجميلة
حلو قوي السرد
بجد حلو
اللغة سردية متوترة
وعرفت كيف تقبضين على اللحظة
:):)

هويدا صالح / عشق البنات يقول...

على فكرة
شايفاكي متميزة بجد في السرد
عن شعر العامية
لا تغضبي
لكن السرد أجمل

qwert anime يقول...

قصيدة جميلة و مدونة اجمل
مش اخر زيارة ليا ان شاء الله

هويدا صالح / عشق البنات يقول...

مي
أنا قرأت هذا النص وكتبت عليه تعليقا
هل حفظته
أم شبه لي أنني قرأته وكتبت
أم طار تعليقي في الهواء
ولا أنا فاهمة حاجة :)

كرانيش يقول...

اعتقد ان التصنيف الجائز على هذا العمل هو قصه قصيره
والله اعلى واعلم
الفكره جديده
ان تبحثى عن فرد ما لا تعرفينه فى فرد اخر تعرفينه جيدا بل ويزيد البحث هذا عن نفس هذا الفرد الذى لا تعرفينه بين الناس وتنقلب مشاعرك اذا مارستى فعل الشك فى احدهم
برافو عليكى يا ميويه

كملى على فكره

كرانيش يقول...

نسيت اقولك انتى من الزقازيق فعلا؟
لو كنتى من الزقازيق يبقى لازم نتقابل
ولا عندك مانع؟؟

تحياتى يا قمر

الاسطى يقول...

لأ يا أخت كرانيش ... كى مش من الزقازيق ... هى بس طالبة فى جامعة الزقازيق ...
مى من بلد قريبة من ميت غمر .. و خلينى اخمن بقى و أقولك يا مى إن إسم بلدك هو " أوليلة " صح ولا انا غلطان ..؟
ياريتك تيجى و تفكى الإشتباك دا
و كمان تردى على الطلب اللى طلبته منك .. و لا أقول هنا و أمرى لله ؟

قصاقيص يقول...

الأسطي
........
أحمد باشا

انا لس مخلصه امتحانات امبارح وعيوني الاتنين يا ابوحميد هتلاقي الارشيف رجع تاني وهعمل ببلش للشغل القديم

انت تامر
وبجد شكرا علي رايك الجميل وكلامك اللي بيشجعني دايما
اشكرك بجد يامنورني دايما

قصاقيص يقول...

هدهد حبيبتي
اولا مخاصماكي جدا عشان مطنشاني بقالك كتيييييييير
بس ثانيا بقي وحشاني وبحبك اوي وانا فرحت ان كتاباتي النثريه عجبتك
كده مؤشرات اسهمي في النثر طالعه لفوق اوي
عم ابرايهم وحضرتك
بجدكتير عليا
نورتيني ياقمر
ويارب دايما منوراني ويارب دايما اقدر اكتب شئ يعجبك

قصاقيص يقول...

qwert anime
::::::::::::::::::
زيارتك اسعدتني بجد
ويبقي شرف ليا وشئ يفرحني لو فعلا ماكانتش اخر زيارة
اهلا بزياراتك دوما
تحياتي

قصاقيص يقول...

هدهد
معلش حبيبة قلبي نشر التعليق اتاخر علشان انا عامله اشرف علي التعليقات
حقك عليا ياقمر
تسلميلي دايما ياست الكل

قصاقيص يقول...

كرانيش
:::::::::::
زيارة جميله وتعليق رقيق
شكرا بجد عليهم
واتمني دايما تفضلي منوراني
................

بالنسبه لموضوع الزقازيق فانا من بلد جنب ميت غمر لكن بدرس في الزقازيق وبجد لازم اشوفك هناك في اقرب وقت بس افصل شويه لاني الامتحانات انهكتني وقضت عليا
اتمني كوني مش من الزقازيق مايقللش حماسك ليا
منوراني ياقمر

قصاقيص يقول...

الاسطي
:::::::::::
بالعند فيك اجابتك غلط
انا من"دماص"...تعرفها؟
منورني
واتمني تصبر عليا شويه وهتلاقي كل الكتابات تاني ع المدونة
منورني

الاسطى يقول...

أيوة كده أيوة كده .. خلى الأيام الحلوة ترجع تانى ..
و خلينا إحنا كمان نرجع نكتب تانى ...
على الأقل الحماس هايزيد
تحياتى ليكى يا قمر

chaos يقول...

بجد حلوة أوي
i hope you don't suffer this ever

غير معرف يقول...

شكرا يافندم على المرور في المدونة وتعليقك وشكرا على دعايتك للكتاب وفرحتك بيه

كلام وخلاص يقول...

ممتعة كشيكولاته بالبندق

يا مراكبي يقول...

الغيرة من أخرى سواء كانت حقيقة أم من نسيج الخيال .. هو موضوع ذو شجون .. يتكرر كثيرا في حياتنا سواء للنساء أو الرجال أيضا .. فنرى طيف تلك الأخرى في كل شيء

وفي الأمثال العامية يقولون: اللي على رأسة بطحة بيحسس عليها

أبدعت

د. إيمان مكاوي يقول...

الفكره جميله والسرد كمان جميل بس عايز يكون أبسط من كده شويه
تحياتي لقلمك وابداعاتك

شفـقــة و إحســــان يقول...

أسلوبك رشيق
ومشاعرك رقيقة
ولكنك مقلة في كتاباتك

ياترى ليييييييييييييه ؟؟؟

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا