لما لم تعلمني_حبيبي_قبل أن تمضي فنون الإستقالة؟!!؟
فأنا بدونك لا أجيد الشعر..... أو أهوى المقاله
عشقًُ لأزمانٍ بنبضي مدّني........0
فلماذأ صار الاّن دقاتٍ محاله؟!!؟
يامن حسبتك جُل أدياني ووحييّ دُلني......0
هل من نبيٍ حين تهجره الرساله؟!!؟
أنا لن أطيل عليك حقاً ملهمي............0
من أين تأتيني حروفُ للإطالة؟!!؟
هناك 71 تعليقًا:
يامن حسبتك جُل أدياني ووحييّ دُلني
هل من نبيٍ حين تهجره الرساله
------------------------
إيه الفجر ده
ايه الجبروت ده يا مي
------------------------
يامن حسبتك جُل أدياني ووحييّ دُلني
هل من نبيٍ حين تهجره الرساله
------------------------
ايه التمكن ده يا بنتي
انتي بتستعرضي عضلاتك الشعريه في التشبيه
------------------------
لا يا ستي انا مروح
باقي الأبيات رائع طبعا
بس البتين دول عملين زي جردل تلج في طوبه فوق النخاع
انا جيييييت .. شوفت البوست قلت الحق مكانى فى اوائل المعلقين .. اقراه و ارد عليكى بقى
ياعينى عظمة على عظمة ياست اقول ايه بس ده شغل محترفين بقه انا مليش فية ..........سلام
مى عبد الرحمن .. الاستاذة
من هنا ورايح اللقب دا بتاعك ..
فى كل مرة باكتشف فيكى امكانيات اكبر و اعظم من المرة اللى قبلها ..
ازاى بتلاقى الافكاراللى بتبتدى بيها اشعارك .. الخطوة الاولى دايما هى اصعب الخطوات.. و انتى ماشاء اللهبكل سلاسة بتلاقى بداية .. دى فى حد ذاتها موهبة خاصة مش عند اى حد ...
كمان الفكرةدايما محتاجة الفاظ تناسبها .. و تعبر عنها .. و انتى ماشاء الله موفقة جدا ..
--------------
أنا لن أطيل عليك حقاً ملهمي............0
من أين تأتيني حروفُ للإطالة؟!!؟
البيت الاخير اكتر بيت عجبنى ... نهاية رائعة لقصيدة رائعة من شاعرة اكتر من رائعة ..
بس اسمحيلى ..
الوزن الشعرى اختل فى الشطرالتانى من البيت التالت ... مش كده ؟
تحياتى
عارفة أجمل ما في القصيدة ايه انك ثبتي حالة اختلال الوزن بدونه
بداتي بأنه من بعده لاشعر ولا مقالة
وانهيتي القصيدة في اربع ابيات
يعني في الصميم
تسلم ايدك
بجد
وبشويش علينا
ياجميل
اكتبي مرة نص وحش
كل التحية ياقمر
الرقيقه دائما
مش عارفه اقولك ايه
بس حساكي فى مرحله حلوه اوي
ربنا يوفقك ياجميل
:)
ايه المدونة الجامدة دى
بوست جميل اووى
وكشكشيها ماتعرضهاش
جميل لدرجة تغيظ
المقطوعه الموزونه اوى
حاسس انها ناقصه
عاوز اقلك وبعدين
انتى كنتى عامله حاجه
كانت عامله بم فودنى
كانت عاليه اوى
وبعدين حاسس بتكلف ولو انه مش جامد ولا حاجه
بس حاسس انك بتكتبى للكتابه وخلاص
بس هوا فى نقطه
بما ان شعرك تفعيله
سطرى
فانا لاحظت ان الشطره الاولى
خمس تفعيلات
والتانيه سته
والتالته
سبع تفعيلات
هوا انتا قاصده ده
ولا انتى مخدتيش بالك
هل من نبيٍ حين تهجره الرساله؟!!؟
من أين تأتيني حروفُ للإطالة؟!!؟
..........
معجزة يا مى
والله انا بجد فخور انى بكلم دلوقتى واحدة هتبقى اكبر شاعرة فى مصر
..........
بس أكيد اللى يحبك يا مى عمره ما يسيبك
..........
بجد وحشتينا اوى و متبقيش تغيبى علينا
ماشى؟
لاء بجد دى روعة
حلوة اوى يامى
حلوة اوى اوى
يامن حسبتك جُل أدياني ووحييّ دُلني......0
هل من نبيٍ حين تهجره الرساله؟!!؟
أنا لن أطيل عليك حقاً ملهمي............0
من أين تأتيني حروفُ للإطالة؟
روعة روعة روعة
هقول ايه تانى
يالله سلام
أول مرة أزور مدونتك
بس بجد عجبني الشعر جدًا عندك تمكن واضح بجد
شكلي هبقي زبون مستديم
تحياتي
اللـــــــــــــه
روعة
بجد روعة
الى الامام
انتي يا بنتي ملكيش حل
بجد ملكيش حل
بجد كمان مره ملكييييييييييييش حل
انا قريت البلوج كله بكل البوستات الي فيه قديمه وجديده
وبجد هيكون ليكي مستقبل باهر لانك فعلا فعلا فعلا موهوبه
ربنا يحميك يا رب
بجد تاني ملكيش حل ابدا
تحياتي يا اجمل من قرئت لهم
جميلة يا قصاقيص
السلام عليكم
الشاعرة القديرة
اسجل اعجابى بكل ما كتبتى
حقا تملكين موهبة حقيقية
انا قريت كل التدوينات تقريبا
وشدنى اسلوبك المميز
فكرنى بمعلمى نزار قبانى
وانا اول مرة اقول لحد كدة
اول مرة احس ان فية حد قريب منه فى الكتابة
بتبدعى فى بعض الجمل الشعرية الجديدة
والجريئة
انتى حقا شاعرة بمعنى الكلمة
ان سمحتى ساكون من قرائك الدائمين
لعلى اتعلم منك
وانا ايضل لى بعض المحاولات العديدة
لكن بعد ما قرات لكى
ادركت انى مازلت فى بداية البداية
وشكرااا على سعة صدرك
ابدعتي يا مي
و مش جديد عليكي
تصورياتك البلاغيه تفوقتي فيها علي نفسك في القصيده دي
و اجمل ما فيها انها قصيره بيدل علي معانيها
و بجد بجد
انا عجزت المره دي اني اعرف ارد
تحياتي
يا خراااااااااااااابى
هل من نبيٍ حين تهجره الرساله؟!!؟
من أين تأتيني حروفُ للإطالة؟!!؟
................ز
هادتو البخور يا عيال تسلم الدماغ واللأيد الى كتبت بجد البيتين دول خلااص اتحفرو فى دماغى وماشيه ادندنهم فى دماغى ...امتتتتتى بأه يجى اليوم واشوف اسمك فى كل مكان
بجد الكلام مع انة مش كتير
والقصيدة قصيرة
بس فيها معانى اكبر من حجم السطور بكتير
بجد عجبتنى اوى
تسلم ايدم يا مى
واتمنى لك مزيدج من الابداع
تحياتى
جل ادياني؟؟؟؟ووحيي؟نبي؟؟؟؟؟؟
في رايي اننا مسلمين ومينفعش الكلام ده.............مش باسم الحرية في التعبير نبعد عن قيمنا ومبادئنا.........تحياتي ليكي وارجو ان رايي ميضايقكيش هذا مجرد راي
صباحك سكر يا من نثرتى السكر ى كلمات تتناغم فى سحر احساسك
بجد احساسك حلو وكتاباتك حلوة
معلش مع احترامى لللا بيهاجم ايا كان مين هو
استمرى الفن مش عيب والكتابه مش عيب
على الاقل بنعبر عن اللى جوانا فى مجرد كلمات
ربنا معاكى وان شاء الله تحققى احلامك فى العالم ده
احلام ضايعه مرت نن هنا
بعيدا عن المقدرة الشعرية العالية التي أصبح لا خلاف عليها .. من امنظور الديني لم يعجبني معنى
يامن حسبتك جُل أدياني ووحييّ دُلني
معناها مش كويس .. لكن الشطر التاني عن النبي والرسالة لا غبار عليه
ده مش نقد هادم أو جارح طبعا .. دي نصيحة أخ أكبر
لكن باقي الأبيات .. مفاجأة كالعادة .. إستمري
WE GO TO CONTINUE TO EXCEED THE BARRIER OF THE LANGUAGE, SO THAT BUSH AND OTHER TERRORISTS NOT TO CONTINUE LIE
لقد أن تنتهي مع باري لغات منها بوش وغيره من الارهابيين لا تزال تكمن
عدنا
معلش بقي يا قصاقيص
مقدرتش مردش بكلمات
هي اه جنب كلماتك في قمة التواضع
بس مقدرتش
نداء
قبل أن نبدأ طريق الهوى
دعنا نفترق
قبل أن يصير هوانا .. كلمات
و رسائل ..
قبل أن يصير هوانا مجرد ذكري
صوره في يدي
و صوره في يديك
دعنا نفترق
قبل أن تقول : أحبك
و حبك للقلب قد ملك
فأن كان من حقي أن أحب
فأن أحمي قلبي .. ذلك أحق
فلست الفجر لمن طال ليله
و زاده كان القلق
و لست بدواءٍ يعيد ..
العليل إلي الحياة .. و يعيد إليه الرمق
فدعنا نفترق
فمحال أن يجتمع فجر و غسق
فأنت و أنا .. كشمس و ليل ..
في هذه الدنيا
محال أن نتفق
تحياتي
السلام عليكم..مى .. بجد هى التشبيهات حلوه وجذابة بس من اخت بتنصحك فى الله بجد "جل اديانى . وهل من نبى حين تهجره الرسالة"اعتقد انهم حرام
حبيبتى..بلاش ندمج الدين بمصطلحاته مع الحب..ده دين ومينفعش نقارن الرسالة السماوية من خالق الكون العظيم بالمشاعر اللى بيوحى بها لنا عاشق او محب ..بجد انا بنصحك فى الله وارجو تكونى فهمتى قصدى ومزعلتيش منى
تحياتى وربنا يوفقك
طيب يا مي ، أي نعم جيت متأخر ، بس رأيي لو وزنه وثقله :) ، ولا إيه يا فنــانـة . . . .
.
.
أنا قلت قبل كده إني سعيد بالتعرف على شـاعـرة مثلك ، ويسعدني إني أقول لك المقطع ده حلو ، بـس برضـك كنت محتاجه أطول من كده .
.
.
وياريت ما يضايقكيش إني أقول لك بحبك ف العاميـة أكثر
............
طيب : المفروض لم لم ( ودي ف حد ذاتها مشكلة) لأن لم الاستفهامية بدون ألف ، حد علمي، والألف تكسر الوزن أصلاً ....
وشايف البيت الثاني مكسور جامد
( عشقً لأزمانٍ بنبضي مدني ... فلماذا صار الآن دقاتٍ محالة)
مكسور أكيد :)
تحيااااااتي لكِ في كل الأحوال
دمت بألق :)
عايزة أقولك انك بجد بجد موهوبة وهيكون ليكي مستقبل باهر وفقكي الله
سلامة
أخـــــــــــيراً.......اول كومنت عندي منك
أشهدأن لا إله إلا الله
لأ وإيه؟!!!.....رأي حلو في القصيدة كمان
ده انا أمسك الخشب والحديد كمان حتي ولو سخن نار
...........
بلاش موضوع العضلات ده.........ماتحرجنيش وتفكرني بإني مديونة لسه لكابتن عبدو في الجيم من الصيف اللي فات
ههههههههه
نورتني
وبلاش تروح..........ده انا عندي النهاردة أكلة بتحبها
سلامة
نيت صحيح.........ده إنت مش سايبلي تعليق واحد.دول تعليقين مرة واحدة
...........
أنا هنتحر من فرط السعادة ياصديقي
موتني
يوووووه.....قصدي نورتني
الأسطي
شكراً يا أبوحميد.......الأستاذة مرة واحدة...ده إيه الكرم الحاتمي ده؟!!؟
...........
بلالنسبة لموضوع الوزن اللي إختل فبصراحة مش هقدر أحكم لأني لما كتبت القصيدة كتبتها علي الموسيقي مش علي وزن بحر معين ولاتفعيلة ثابته
بس إنت شاعر موهوب وذواقه ولو شايف إنها إختل فيها الوزن....فياريت تعرفهولي ونتناقش..,اهو "ومنكم نستفيد"0
نورتني
ودايما يارب مشرفني بزيارتك وكومنتاتك
الأرموطي
محترفين....وعظمة ياست.......؟!!؟
ربنا يرفع من روحك المعنوية كمتان وكمان
ميرسي ليك وربنا يخليك علي الكلام الجميل اللي مشرفني ده
تحياتي
هدي
كل التحية ليكي إنتي ياست الكل
بصراحة أنا مش عارفة اشكرك إزاي علي كلامك الجميل ده
نورتيني
زيارب دايما عند حسن ظنك
تحياتي لكي ياجميلتي
محض روح
الرقيقة دائماً:دينا
حبيبتي رأيك دايماً بيهمني
ربنا يخليكي ليا يارب
وماتنسيش تظبطيلي الموضوع اللي طلبته منك
وماتخونينيش......إحنا قاريين الفاتحة ع الخاين وواد الحرام
تحياتي ليكي ياقمر
حزنبل
دي أول زيارة تشرفني بيها
بس بجد شرفتني ونورتني وأسعدتني بتعليقك الرقيق ده
.........
هكشكشها أهوه...تحب اعملها كسرتين في كل جنب
ههههههههه
............
سلامتك م الغيظ
..........
نورتني ويارب مشرفني دايما بالزيارة
vetrinary
أولا:نورتني
ثانياً:هتصدقني لو قلتلك إني مش فاهمة رايك في القصيدة......يعني إنت شايفها حلوة ولا مالحة؟!!؟
ثالثاً:علي العموم موضوع الوزن والتفعيلة أنا رديت عليه في ردي علي "الأسطي"....أنا كتبت الأبيات دي علي موسيقاها في القرايه يعني ما أتبعتش وزن ولاتفعيلة محددة.....يعني قصداها ومش قصداها
رابعا:ميرسي علي رأيك وملاحظتك الأدبية البناءة
تحياتي ودايما منورني
شكرا
عاشور
أستاذي
من زمان ماأسعدتنيش بتعليق منك .......بجد ببقي سعيدة أوى بتعليقاتك........أهي علي الأقل بتحسسنا إننا لازلنا موجودين علي خريطة إهتمامتك ولو حتي من عند رأس الرجاء الفكري والثقافي
..........
الفضل لرسول المعجزة
.............
يااااااااااه.........أكبر شاعرة في مصر.....من بقك لباب كل دور النشر
...............
مش لو كان حبني ؟!!؟
بتقول كده بس عشان إنت متفائل لتلميذتك وبتحاول تخليها هي كمان تكةن مؤمنة ببكرة أحلي
.............
والله يا أستاذي إنت وحشتنا أكتر بكتيييييييييير....ومانقدرش نغيب ولانتاخر عنك...........إحنا تحت أمرك في أي وقت..تؤمرني.........ويارب دايما نكون كده علي بالك
............
تحياتــــــــــــــي
ونورتني بشدة ويارب دايما ماأخونش توقعاتك فيا
همسات
الرقيقة هدي منوراني بتعليقك الجميل كالعادة
وكفاية عليا اوي اللي قلتيه........أبقي طماعه لو إستنيتك تقولي تاني
تحياتي ليكي
سلااااااام
الديليكون
ويارب ماتكونش أخر مرة تزورنا فيها ويسعدنا انك تكون زبون دائم مشرفنا
ميرسي علي كلامك الرقيق
نورتني
تحياتي
sampateek
ميرسي ياقمر
دعواتك
........
منوراني
gohayna
اربعة "مليش حل"....انا كدة بدأت أشك إني لوغاريتم وأنا مش واخدة بالي
ههههههه
الزيارة والتعليق أسعدوني جدا جدا وميرسي علي الكلام الجميل ده أوى
.........
تحياتي
نبيذ
ميرسي علي الزيارة والتعليق اللي ارق من بعض وفرحت بيهم اوى
تحياتي
فارس
أنا اللي بشكرك علي إهتمامك بالمدونة وكل تدويناتها........بجد فرحت بتعليقك أوي أوي
وميرسي علي كلامك الجميل ده
ويشرفني انك تزور مدونتنا المتواضعه باستمرار
ولازم تعرف اننا كلنا في البداية...........وانا عن نفسي لسه بعتبر نفسي تحت الصفر كمان
......
اخجلتم تواضعنا بكلامك الحلو ده
............
تحياتي ليك وميرسي علي زيارتك ويشرفني بجد زيارتي لمدونتك
Proid
كنت متأكدة أنك هتصر تحرجني تاني بكتاباتك الجميلة وتعلق بقصيدة مبدعه زي عوايك
حرام عليك ياعزيزي.........إدينا فرصه ناكل عيش وسط المدونين
.........
منورني يارب دايما
وميرسي علي متابعتك وكومنتاتك الرقيقة
تحياتي
لما لم تعلمني_حبيبي_قبل أن تمضي فنون الإستقالة؟!!؟
فأنا بدونك لا أجيد الشعر..... أو أهوى المقاله
أيه الكلام الكبير والجامد قوى ده بجد هايل كلامك ومعناها جميل جدا
camera_girl]
تسلمي ياقمر
ربنا يخليك ومانتحرمش من تشجيعك
منوراني دايما وبتسعديني برايك كل مرة
......
ممكن بلاش موضوع البخور ده وادوني حقي ناشف وأنا هتصرف
ههههههههه
نورتيني
heba labeb
تاني زيارة تنوريني بيها
سعيدة جدة بمتابعتك الرقيقة وكومنتاتك الحلوة دي
..........
ميرسي علي رقتك
تحياتي
مصراوي أوي
شرفتني أوي في أول زيارة منك لمدونتي وميرسي علي إهتمامك بإنك تسيب تعليق
........
أكيد تعليقك مادايقنيش .....لاني بنشر كتاباتي علشان أسمع عليها أراء........يعني لابحب المصادرة ولا رفض الاخر بدون اسباب
...........
حرية تعبيرك عن رايك حق تكفلهولك امدميتك......بس إن جيت للحق أنا كنت هعتز بتعليقك اكتر_ بالرغم انه بينقدني انا في الاساس والشخصية مش بينقد القصيدة _لو ماكنتش حضرتك إستخدمت علامات الاستفهام الاستنكارية ديه كلها في مطلع كومنتك......ده حسسني ان حضرتك متعصب ضد افكاري اوي.......والمفروض انسان متفتح زيك يكون عارف أن الحكمة والموعظة الحسنة ليها فلسفاتها واساليبها اللي توصل للقلب والعقل اسرع....الاستنكار علميا ولغويا اسلوب استفزازي مش اسلوب حواري ولا ارشادي ولاحتي مطلع كويس لمناقشة مثمرة
.............
شرفتني وميرسي علي النصيحة اللي انا هعتز بيها اكيد
أحلام ضائعة
شرفتني بجد وميرسي علي تعليقك السكر ده
..........
يارب دايما منورني وبتسعدني بكلامك الرقيق اللطيف ده
...........
احلام ضائعة مابقاش ينفع ماتعديش من هنا لاني اتعودت علي كومنتاتك .......بقت حاجة مهمة وثابته عندي وجزء من الدونة
تحياتي
يامراكبي
ميرسي علي رأيك في القصيدة كعمل أدبي
وميرسي علي نقدك وملاحظتك...وطبعا إحساس اي حد بالقصيدة وتحليله لها ده شئ يسعدني ويهمني رايك طبعا علي الدوام
........
ميرسي علي نصيحتك المهذبه
......
نورتني ودعواتك لينا
david santos
thanks for visitiing my blog
.........
thanks to 4 your great words
...........
i am really honored with your comment
moony
ميرسي ليكي ياجميل علي تعليقك الحلو ونصيحتك وملاحظاتك
نورتيني
واكيد مش مدايقة او زعلانه
بس يظهر للاسف فيه ضباب علي اباتي خلّي كتير من زواري الاعزاء شافوا منها جزء واحد بس وهو الجزء الحرفي او اللفظي اللي بالطبع خلاني في عنيهم ونقدهم مدانه ومش علي صواب
احتمال كبير تكون دي غلطتي انا علشان ماقدرتش اوصل فكرتي واحساسي زي ماكنت احب
...............
نورتيني واسعدتيني بمناقشتك
تحياتي
إبراهيم ....معايا
كويس ان انت عارف انك متأخر
وطبعا رايك ليه وزنه وتقله ويهمني...من غير فنانه لو سمحت
ههههههه
انا اللي يشرفني متابعة صديق موهوب وحساس زيك كده
...........
بالنسبة لموضوع "لم لم" لغويا معاك حق............بس ده تضويع لغوي مش اكتر علشان انا عاوزة في الشطر مد بين اول كلمتين عشان تواصل موسيقي البيت.......انا زي ماقلت مش كاتبة المقطوعة دي علي وزن او بحر ثابت.....انا كتبتها ايقاع لغوي........فسمحت لنفسي اخل تطويعيا بالقاعده النحوية
ملاحظتك دقيقة ولماحة وفي محلها
........
نورتني
وميرسي علي الدعوة الحلوة دي
تحياتي
شيرين
ميرسي ليكي
متشكرة اوي علي زيارتك الحلوة دي اللي نورتني
اسعدتيني بجد
اتمني ماتكونش اخر زيارة
تحياتي
وشكرا
BOS BOS
نورتيني بجد
وميرسي علي تعليقك الجميل
اتمني انك تشرفيني دايما
تحياتي ليكي
اى حد بيقول ان القصيده مكسورة وزنا يتكلم معايا يا جماعه
وبلاش حد يفرد عضلاته عل البنيه
بالمناسبه
عشق لازمان بنبضى
مدنى
فلماذاصار الان دقات محاله
مستفعلن-مستفعلن-فع
فعلن-مستفعلن-مستفعلن-مستفعلن-فع
هوا الموضوع ان البنائيه بتاعه القصيده مش احترافيه وسطورها بتطول وبتقصر ومش عارفه تمسك القصيده كويس
لكن عروضيا انا شايف مفيش كسور ولو فى كسور انا هضطر اسفا انى البس نضارة
الأول لينك موسيقى تيتانيك اللى كنتى عايزاها أهو
http://www.divshare.com/download/426372-e55
خدى اللينك كوبى و باست و مع نفسك بقى
ثانيا بالنسبة للوزن .. انا مش ها تكلم عن التفعيلة و الحاجات دى لأنى مش هادعى كدب إنى دارس ..
لكن ها نتكلم عن " الإحساس بإنسيابية النطق "
فى بعض الاحيان .. و من غير قافية .. الوزن بيكون هو البطل ..
و مش دايما البيت الأقصر أو الاقل فى عدد الكلمات هو الأخف فى الوزن و الأصلح ... فى بعض الأحيان لما البيت يطول .. يتنطق بصورة أكثر سلاسة
يعنىانتى قلتى هنا فى البيت الى بنتكلم عنه:
فلماذأ صار الاّن دقاتٍ محاله؟!!؟
حاولى تنطقيها دفعة واحدة كده ... مع الربط بالشطر الأولانى من البيت .. هاتلاقيها تقيلة بعض الشىء .. مش متفقة مع الموسيقى الكلية - الجميلة - اللى فى القصيدة من أولها
طيب .. ما تخلينا نشوفلها حل نغير فى الوزن بتاعها من غير ما نضر بالمعنى و كمان نخليها أخف
ليه ما نقولشى :
فلما إذن قد صار دقات محالة
شوفى كده و ردى عليا ..
و ياريت ما اكونشى ضايقتك
مي
مش هاقول اكتر من انك عبقرية
vetrinary
إنت عاوزني أشد في شعري ويقولوا عليا إتجننت؟؟!!؟
كل ما أبدء أفهم رأيك في القصيدة ولو مش بشكل واضح تستعمل معايا مصطلحات محتاجه ترجمة فكرية
رفقا بأنصاف الشعراء أمثالي ياسيدي...إحنا مش قد ثقافتك
........
نرتني وميسري علي وقوفك جنبي في هذة المناقشة الشائكة ول أن بصراحة دفاعك عني ملخفني انا شخصيا
ههههههه
نورتني
الأسطي
ميرسي يا أبوحميد علي لينك الأغنيه
..........
أما بالنسبة لموضوع التعديل اللي في الشطر اللي مش عارفة بصراحة مش مريحك ليه....فتقدر ياباشا تضيف طابعك الشخصي علي البيت وتتخيله وتقوله بالاضافات والمحذوفات اللي تحبها...........ده طبعا لان تذوقك ورأيك حقك ..........أما العبدلله كاتب هذه السطور ....للاسف غير مقتنع بأي تغيير...مخي "بووت" بعيد عنك
وعلي كل حال انت بتنورني باهتمامك ومتابعتك
تحياتي ليك ياشاعر ياحساس
Rosa
مش هقدر اقولك غير أنك رقيقة وتعليقاتك دايما مميزة في بساطتها وجمالها
نورتيني وتحياتي ليكي
انا الت اجي اسلم
و حبيت اطمنك على الموضع
انتي عارفه طبعا بعد تداعيات الحرب
وبعدين حادثه القطار واخيرا العباره
فا المحلي مباقش مضمون
خليكي فى المستورد
ولو مصره على المحلي يبقى الفنش من بره
ومتخفيش يابنتى ربنا مايجيب خيانه
:)
فكري وحولي تشيلي البوت
تحياتي ياجميل
يا جماعة بجد انتو لازم تشركوني حفله عيد ميلاد جينرمو معايا فى البلوج بتاعى انهاردة عيد ميلادها عشان انهاردة بجد اسعد يوم فى حياتى
العزيزة مى..انا طبعا فاهمة المغزى اللى ورا ابياتك وان ده تعبير ادبى مش قاصدة بيه حاجة .. بس انا اقصد ان برضه مينفعش نستعمل مصطلحات الدين بمدلولاتها ونقارنها بموضوعات العشق حتى لو على سبيل الرمز والاستعارة
رغم المغزى الأدبى المقصود الا ان هذة المصطلحات وما تحمله من معانى ومدلولات لها قدسيتها الخاصة والكبيرة
تحياتى لكى وشكرا لسعة صدرك
والى الأمام دائما عزيييييزتى
محض روح
.......
ياقمر إنت تيجيوتروح في أي وقت...أنا والمدونة اللي من غير بواب تحت أمرك
..........
هههههههههه
...........
ماتقلقش ياباشا:إحنا بتوع المستورد كله
..........
........للأسف البوت مش راضي يطلع...............يظهر كان مقاسه صغير علي دماغي نمرة
...........
هههههههههههه
منوراني دايما
أجدع واحد في الشارع
طبعا لازم نشاركك ونشاركها..كل سنة وإنتم الاتنين طيبين
منورني
Moony
ربنا يخليكي ياقمر....بجد أنا سعيدة بمتابعتك الجميلة دي
.........
أنا واثقة أنك انتي وكل زواري الأعزاء فاهمين المغزي الشعري للأبيات بس كل الحكاية إني فعلا مفيش أي ربط عقائدي بين كلامي وبين الدين......وموضوع التشبيه ده مش تشبيه تهكمي _لاسمح الله_علي ديانتي او ديانة اي حد.....كلمة ديانة ووحي مش بس في الامور السماوية .........وده اللي أنا اقصده
علي كده تبقي كلمة"إعتناق مبدأ" حرام.....و"وحي الكتابة" برضه حرام
"مؤمن بقضية"...........إلخ
صدقيني ياعزيزتي ده قصدي
...........
يارب دايما منوراني ومفيش داعي تشكريني ده حقك في المناقشة وبيفرحني بجد إهتمامك كإنسنه مثقافة بتتناقش وبتحاول توصل وجه نظرها
ميرسي ليكي
انا مجتش هنا من زمان اوي
لاني فقدت الامل انك هاتبهرينا ببوست جديد بعد اتحداك
وفعلا الكلمات روعه واحساسك اروع بيها
هل من نبيٍ حين تهجره الرساله؟!!؟
أنا لن أطيل عليك حقاً ملهمي............0
من أين تأتيني حروفُ للإطالة؟!!؟
رغم ان انا قريت شعر كتير بحكم دراستي
بس عجبني تشبيهك اووي ومعتقدش انه عدي عليا حاجه في جماله
علي فكره ردودك علي الكومنت اللي بينتقدك هايله
فعلا مبدعه
بالتوفيق ان شاء الله
may
:::::::::::::
المهم اني اكون قدرت ارد ليك الامل في اني اكتب حاجه تانيه ممكن تعجبك
وتكون رجعتلك الثقه في قلمي مرة تانيه
:::::::::::::::::::
ميرسي علي كلامك الجميل يامويا .........بتبهريني وتشجعيني دايما كده
تحياتي ليكي
ويارب ماتغيبيش علينا مرة تانيه
سلام
جميلة جدا الكلمات دي و حاسة نفسي فيها موت عشان دي حاجة بمر فيها فعلا يارب يعديني من الهم ده على خير
ياريت أشوفك في البلوج بتاعي المتواضع بالنسبالك طبعا
يااااااااااااه
ياخبر
ايه ده يابنتي
بجد
اسمحيلي اقولك
يخرب بيت حلاوتك
عارفة انا كنت اقرا كلامك
مش بعيني
لا بقلبي
لا بكل حتة في
رائعة يامي
ملكيش حل
كان نفسي تكوني ف اسيوط
عشان تشرفينا في نادي الادب
كنا لن تننازل عنك عضوة فيه
بس شكلك كده انت بقي الي هتعلميني انا الاستقالة من الشعر
بعد كلامك الجامد قوي ده
ربنا يوفقك
قناوية تعشق أسيوط
:::::::::::::::::
حبيبتي خدي راحتك خلاص وقوللي كل اللي نفسك فيه
المهم انك منوراني
::::::::::::::::
ميرسي علي كلامك الجميل ده اللي في كل مرة بيزود حماسي
:::::::::::::::::::::
صدقيني انا كنت اتمني اكتر اكون موجودة معاكم.......مجموعه رائعه زيكم اكيد كان يشرفني اني اكون بشارك معاها في نشاط بنحبه
:::::::::::::::::::
ماتقوليش كده:اخجلتم تواضعنا يافندم
استقيل انا الشعر والكتابة كلها بس انت لا ياقمر
:::::::::::::::::::::
منوراني اوي
تحياتي
إرسال تعليق