06‏/12‏/2008

أرجوحة



أمامها أتذكر.....
كان الي جواري حين تشبثت بهذا السياج بدلال منذ عهد ليس ببعيد طالبة منه ان يشاركني اكتشاف الامر
تلوح في عينيه الموافقه ولكنه يتمادي في إبداء الرفض للاستمتاع بمزيد من إستجدائي الطفولي ووقع أقدامي المتوترة...
أستمر في التشبث و الإستجداء...يبتسم..
تذكرتان وكيس من الحلوي وخوف لايتناسب مع سنوات عمري...تبدأ في الارتفاع ...أتشبث بإحدي يداي في المقعد والأخري في ذراعه
ترتفع أكثر أزداد توترا كلما إقتربت من السماء....تبدأ في الهبوط من جديد فأستغل قدرتي علي التنفس طالبة منه انهاء الأمر لائمة نفسي عشرات المرات علي شغف التجربة..يبتسم..ترتفع من جديد...أتشبث...تهبط ...أصيح...
لا إراديا يتحول صياحي إلي صرخات لا أخجل منها فالفضاء هناك أكثر إتساعا من أن يراقبني أحد...من أعلي أشتهي امان الأرض
ينتهي الوقت...نهبط..أتمسك بذراعه أكثر منتشية بردة فعل الأرض تحت أقدامي
استفيق من الذكري...
وحدي هنا علي الأرض لكن دون أمان..دموعي إستثارت عيون من حولي...أنظر لها في دورانها_هناك بأعلي متسع أكبر للبكاء_
لا أتردد طويلا..أدفع ثمن تذكرة وحيدة عازمة علي إرتجال الحزن بين السماء والأرض

هناك 18 تعليقًا:

Mina يقول...
أزال المؤلف هذا التعليق.
الاسطى يقول...

باحجز مكان بس .. هاقرى و ارجع

الاسطى يقول...

ياااه على الجمال
مى
انتى فيكى حاجة غريبة يا بنتى
انتى من غير ما تقصدى بتكتبى شعر ارتجالى كده من غير لا وزن ولا قافية ..
مشاعر و أحاسيس بس .. لكن من عالم تانى ..
حاجات صغيرة اوى .. حساسة أوى .. مش بالسهل حد يفكر فيها .. أو يلتفت لها ..
إيه الجمال دا يا مى .. مبدعة
لما قلتيلى إنك محتارة مابين الشعر و القصة القصيرة فى الكتاب اللى هاينزل جه فى بالى أقولك " خليه شعر " .. لأنى ميال بطبيعتى للشعر ... و باستسيغه أكتر ..
لكن صدقينى فى القصة دى .. و اللى قبلها .. أبدعتى كتيير كتيير .. و الواحدة فيهم بعشر قصايد من التانيين .. و دا مش إنتقاص من القصائد أبدا ... انتى أكتر واحدة عارفة موقفى من شعرك .. لكن دا مدح فى نثرك ..
صدقينى أسرتنى جداااا كل كلمة قريتها لدرجة إنى - حقا و صدقا - و الله مالاقى كلمة معينة أكتبهالك هنا كالعادة علشان أقولك دى أجمل جملة ..
الكل ممتاز .. الكل معبر .. الكل عميييق لأقصى درجة .. لأبعد حد ... دا لو كان فى لإبداعك حد ..
تحياتى ...
و أكثر

الاسطى يقول...

قريتها لغاية دلوقتى من ابداية للنهاية 6 مرات ... و كل مرة ألاقى حاجة جديدة .. جميلة .. فقلت لازم أطتب بردو .. لازم الروعة دى تاخد حقها ..
خدى عندك يا ستى ...
أولا ... كفاية عليا العنوان دا ..هو مش مجرد إسم لمكان حدوث القصة . لكن ممكن تقولى إنه " وصف " لحالة .. تعبير عن إحساس معين فى لحظة مرت و بقت ذكرى .. جميلة أو مش جميلة .. المهم انها ذكرى .. و باقية
كمان يا ستى "ترتفع من جديد...أتشبث...تهبط ...أصيح "
دقيقة أوى الجملة دى ... بس للى يركز .. و يحط نفسه مكانك .. (:
حاسس إنى رغاى أوى .. طيب ..
سلام
نتكلم بعدين (:

Ahmed Al-Sabbagh يقول...

رائعة دائماً
كل سنة وانتى والاسرة بخير

Dr. wessam kabil يقول...

حلو قوي قوي قوي يامي

عجبني التعبير ده


فالفضاء هناك أكثر إتساعا من أن يراقبني أحد...


والفينالة روعة

تسلم ايديك

nudy يقول...

اخشي العاب الملاهي كثيرا ولكنني تمنيت اليوم بجد انني كنت فعلا في هذه الرحلة احسست بالطيران والحنين الي وجود اخر بجواري والي الامان الذي لابديل عنه شكرا لكي علي البوست ذو الاحساس العالي

Mina يقول...

(`'·.¸ (`'·.¸*¤* ¸.·'´) ¸.·'´)
♥*** عيــــــــد سعيــــــــــــــــــد ***♥
(¸.·'´ (¸.·'´*¤* `'·.¸) `'·.¸)

الغالية مي
كل عام وانت بالف صحة وخير وسعادة
ويارب عيد سعيد عليكي وعلي كل الاسرة
ويارب السنة اللي جاية تكونة حققتي كل اللي بتحلمي بيه
وخليكي دايما فاكرة انه لا حزن بيدوم ولا فرح بيدوم فياريت نفتكر كدة دايما ومانحزنش بشدة ولا نفرح بشدة
معلش جملة اعتراضية كدة كانت واقفة في زوري وحبيت اطلعها
مستنين منك حاجة حلوة قريب
تحياتي

غير معرف يقول...


ويذهب الحزن مع الهبوط

تحياتي من ... هناك

حامد برهام يقول...

جميلة جدا القصة انا من زمان عارف انك بتكتبي شعر... لكن واضح انك متميزة في القصة كمان .... وموضوع الرواية ده مفاجأه بالنسبة لي

غير معرف يقول...

السلام عليكم
قمت مع مجموعة من الأصدقاء بإنشاء عدد من المدونات ، ووضعنا بها إعلانات جوجل أدسنس، وبالفعل نحقق دخلا مش بطال
فعلى جميع الأخوة الكرام سواء عنده مدونة أو لم ينشئ مدونة بعد، وكانت له رغبة في الاشتراك معنا في هذا العمل، برجاء مراسلتي على الإيميل niletrader@gmail.com
والله الموضوع مثمر، وبالفعل وصلتنا دولارات من أدسنس ، فالموضوع ليس وهمًا
برجاء نشر هذا الموضوع لتعم الفائدة
مع تحياتي
Hello
We are a group of Egyptian guys who established some blogs where we added Google Adsense codes so we make some money on monthly basis, as a way of coming over our financial problems!!
if you would like to help us through allowing us adding the Adsense code to your blog and share the profits with you, pls contact us niletrader@gmail.com
Yours
Ash

مهند يقول...

لم اقرأء اجمل من هذا, احسست بنفسي ارتفع واهبط وانا اقرأ هذه القصاصة روعة وبراءة. كم انتي شاعرية

الاسطى يقول...

بعد أكتر من خمس سنين .. لقيت نفسى جاى أقرالك تانى .. و اقرا كمان التعليقات .. ياترى انتى هاتقرى تعليقى دا ..؟ أشك .. أشك كمان انك ممكن تكونى فاكرانى .. لكن عايز أقولك ان أشعارك و قصصك يا مى شكلت جزء كبيييير اوى من شخصيتى ... من ذكرياتى و افكارى .. أحمد حمزة

قصاقيص يقول...

الاسطى
أحمد... مش معقول
والله تعليقك فرحني جدااااااااا
طبعاً مش هتصدقني لو قلتلك إن الباس وورد كانت ضايعه مني
س دي حقيقه والله

Ahmed Hamza الأسطـــى يقول...

بصراحة ماكنتش متخيل انك هاتردى .. انا عارف انى خدت بالى متأخر اوى .. بس انا من وقت للتانى أحب ارجع افتكر أيامى القديمة .. أكتر حاجة بتفكرنى هى مدونتك دى .. البلوج دا بكل مافيه - حتى التعليقات - حاجة كبيرة اوى بالنسبالى .. خايف اوى ييجى يوم ادخل الاقيه اتمسح .. جزء كبير من شخصيتى اتبنى بعد ماقررت ادون لما قريت بوستاتك هنا .. انا دخلت البلوج دا و انا عندى 20 سنة .. دلوقتى انا 29 .. حوالى عشر سنين فاتوا - تلت عمرى - و لسه لحد النهاردة بافتكر من وقت للتانى الكلام اللى كنت باقراه عندك .. اشعار بلوجك لما كنت باقراها كانت بتنعكس - ماعرفش ازاى - على حياتى و علاقاتى و بالذات ايام الجامعة بما فيها من ارتباك .. كنتى بالنسبالى شخصية خيالية مدهشة .. و من حسن حظى ان ماحصلش نصيب و اتقابلنا قبل كدة .. يمكن لو كنا اتقابلنا و شوفتك على الطبيعة كانت الصورة اللى مكونها ليكى دى بقت حاجة مادية تقليدية زى أى حد أعرفه .. حاليا انا باكتبلك من قطر .. باشتغل هنا مراقب مخزون فى شركة استيراد و تصدير كبيرة .. اتجوزت و معايا تقى الحمد لله سنة و 8 شهور .. ربنا يخليهالى .. و بعد العمر اللى فات دا لسه بردو فاكر بلوجك و بازوره تقريبا مرة كل شهرين تلاتة .. انا عارف انها فترة بعيدة بس الحياة و مشاغلها مابقتش بتخلى الواحد عارف يهرش .. فين بروفايل الفيسبوك بتاعك يا مى انتى كنتى موجودة فترة و بعدين مسحتى الصفحة .. كنت بلاقى فيها حاجات مش موجودة هنا .. تحياتى ليكى و لكل كلمة كتبتيها خلتنى أشوف حاجات جوايا ماكنتش عارف انها موجودة أساسا .. تحياتى و احتراماتى ليكى .. كل حاجة قريتها ليكى هاتفضل مزروعة جوايا زى الصبار .. مش هاتموت أبدا .. صحيح يامى هو انتى بطلتى كتابة ..؟ انا شبه متأكد انك بطلتى .. كنا طلبة فى الكلية .. و حواسنا مرهفة كالنصال .. و عواطفنا مرهفة أكثر من حواسنا .. عندما كان لليل رائحة و للسحاب لغة و للظلال رقصة نفهمها و نعرف رموزها جيدا .. كان لكل يوم قصة و لكل قصة لذة .. و لكل لذة ذكرى ..
و الآن ضاع كل هذا فى خضم مسئوليات الحياة الخانقة ..

Unknown يقول...



thank you

سعودي اوتو

Unknown يقول...

thx

كشف تسربات المياة
غسيل خزانات
شركة نظافة عامة

Unknown يقول...

شركه تنظيف منازل خدمات تنظيف بارخص الاسعار والعروض خدمات مميزه واعلي جوده شركه معنمده ولديها عمال ذا خبره عاليه جدا اتصل الان بنا نصلك فياقرب وقت شركه تنظيف منازل بالدمام شركه تنظيف منازل بابها خدمات البلدين متوفره لدينا بافضل الاسعار واحدث المعدات
عمال تنظيف بالدمام
شركه تنظيف افران بالدمامA

شركه تنظيف مكيفات بالدمام
شركه تنظيف منازل بابها
شركه تنظيف افران الغاز بابها
شركه تنظيف مجالس بابهاا