28‏/01‏/2007

وتـــــــــــــــــــــــــــــــر


............ أنا ولحن قد تغرب في وتر
............ وبريق احلامٍ تواري وإندثر
........ ورفات صوتٍ قد غفا بجوانحي
............... ودموع أزهارٍ يجافيها المطر
.................. ماكنت احسب أننا
.......... يوماً سيمحونا قدر ..........
ماكنت أحسب أن ذاك الحب _يوماً_ ينكسر
........ ماعاد عندي غير طيف مشاعرٍ
وأنين كلماتٍ_بقلبي_تحتضر
ماعاد عندي غير عطرك بالرسائل مستكين
يروي الحكايا في جموع العاشقين
...... يروي _حبيبي_عن حكايتنا التي
وكأنها صارت خيالاً بين أحضان السنين
لكنني...... لازلت أبحث عن عيونك في الدفاتر
لازال في الأعماق شئ من مشاعر
ورحيق ماضينا يؤرق مهجتي
فأتوه في الذكري.... وفي قلبي أسافر
لازالت الأقلام ترفض أي حرف بعد كلماتي إليك
..... وأناملي ليل الشتاء
تشتاق دفئك سيدي......... تهفو إليك
فإفتح رحابك ...... ضمني
فجميع أوطاني لديك
وإرجع إلي دنيايّ قلبي ينتظر
إرجع بغير الإعتذار عن الرحيل _ولا عجب_0
أهناك في الأقدار قدر يعتذر؟!!!؟

20‏/01‏/2007

عاشقة


وأزحت أستار الخجل
وهفوت عاشقة لأرضك ..... ضمني
بل وإحتويني في رداءٍ من قُبل
..... وإنقش خرائط راحتيك علي جسد
قد شاب من فعل الملل
......... ياسيدي
أنا لست عابئة بمحكمة الهوى
ماعاد يغريني بإنصافٍ أمل

14‏/01‏/2007

الجرنان


خبي عيونك ورا نضارتك
وإسرح يلا مع الجرنان
إنسي همومك وقرف يومك
أو إنك مخنوق طهقان
شوف الجرنان بيقول إيه
إنسي مشاكلك وإنت بتقرا
م الأخبار إتخيل بكرة
وإسرح فيه
أما صحيح أخبارنا تفرح
حاجة تسر مشاعرك خالص
أخبار تشرح
حرب شمالاً....... قمع جنوباً
ألف قتيل غير المتجرح
دم ف كل مكان يابلادي
هي صحيح دي جريدة أمة...؟!!؟
ولا دي تبقي جريدة المدبح؟!!؟
........ مين إجتمعوا
........ مين إتفاوضوا
مين راح يتنازل عن أرضه
.... مين بيصرخ
مين بولاة العدل إستنجد
....... مين متحاصر
...... مين مهزوم
مين توقيت إعدامه إتحدد
لأ...... وبنتفشخر وبنطبع ف الجرانين
أخبار إيه؟ .... وسياسه إيه؟!؟
مش قبل مانعمل أسياد ...........0
نخد ألقاب......"بني اّدمين"؟؟!!؟
إقلب أول صفحه وسيبك
من أخبار مابنفهمهاش
يلا نخش علي الأخبار اللي تمثلنا
من دعم وتعليم ببلاش
شوف الأخبار إزاي حلوة
قال إيه التعليم مجاني
هيجيبوا دقيق في التموين
والكستور راح يرجع تاني
والأحوال في الدولة تمام
كله مقيد بالتسعيره
ووشونا وحشها التكشيره
ورغيف العيش لسه بخيره ومش بيكش
ولا سوق سودة.... ولا فيه غش
ووزير الصحه بيتشنك
التطعيم واصل ف معاد
وجميع الأطفال أولاده
لا هيتخلي عن مصالحهم
وهيعمل كل اللي ف إيده
علشان ف العيشه يريحهم
خلي وعوده هنا ف مترحهم
ف وعودهم نصحي وبنبات
سيبك يلا من أخبار المجتمعات
وإدخل علي صفحات المسرح والسينمات
إيه أخبار التلفزيون؟
فنان إتجوز فنانه
معجب بيطارد في فلانه
عشرين فيلم جديد إتصور
أفلام الأيام دي تحير
وصناعة السينما بتتدهور
وبتوع الإنتاج إتسعروا
مع إن جيوبهم مليانه
سيبك منهم دول أحوالهم مش شغلانا
ولا ف الصورة
وإدخل علي صفحات الكورة
إيه أخبار الدوري العام؟؟
نجم الملعب ...بعد الماتش
واقف يعطس...... جاله زكام
ومدير نادي بيشتم لاعب
حال الكورة كله متاعب
والحكام عملم تسعيرة
"عاوز تكسب؟؟ ........ تدفع كااااااااااااااام؟""0
بصراحه ظروف أي كلام
ركز حبة كمان ويايا
صفحه خطيرة
موضوعها" حوادث وقضايا"0
إحذر نشال الأتوبيس
حادثه شنيعه طريق بلبيس
"مدمن يقتل أم ولاده"0
حين إستسلم للتحشيش وكلام إبليس
طلبات خلع وحكم طلاق
السفاح الاّن في بولاق
وفرح شعبي إنتهي بخناق
بس خلاص أصل أنا مش ناقص
........ خايف بعد شويه يقولوا
"عادت من تاني النداهة.....
خبوا ولادكم جوا البيت"0
أصل الجرنان حاله......متاهة......
دنيا كبيرة من الحواديت
مش فاضل غير صفحه وحيدة
مفقود.... إعلان...... ووفيات"0
تيجي بسرعه نبص عليها
ولا أقولك.......... يلا بلاش سيرة الأموات
أقلع من تاني النضارة
طبق وبسرعة الجرنان
ماتشيلش ف نفسك أحزان
وإحمد ربك
إنك رغم جميع اخباره
قادر تفضل يوم ........... إنسااااااااااان

12‏/01‏/2007

غفران


تقدر تحلم زى زمان...؟؟!!؟؟
ولا إنت نسيت الأحلام؟!!؟
تقدر تسكن تاني ف قلبي
وتجيب ريشتك والألوان؟!!؟
ترسم وردة وقلب وشجرة
ترسم صورة بتوصف بكرة
وأنا أسقف وأقول.......... "فنان"0
تيجي نسافر عن أوجاعنا ؟!!!؟
أو نتصاحب ع الأحزان؟!!؟
مالك مسجون جوا سكوتك؟!!؟
عامل من حزنك قضبان؟!!؟
طب تسمحلي اقولك فكرة..... ؟
سيبك م الأحلام....من بكرة
....... بص ف وشي
حاول ترجع جوة مشاعرك
فاكر مين.....؟!!؟
شيل التجاعيد الملعونة
أصلها مش أكتر من إمضا
في أوتوجرافي .........بإسم "سنين"0
سيبك م الموت اللي معشش وسط ملامحي
سيبك من أحزاني وجرحي
ودقق أكتر
يمكن تعرف إني حبيبتك
اّسفة.... سامحني... مكنتش أقصد
قصدي أقولك............."كنت حبيبتك"0
يمكن تعرف إني زمان أيام مافارقتك
.......... كانت غلطة
وأنا جايه أترجاك تسامحني
عمري مهرجع وأغلط تاني
هفضل جنبك.......مش ناوية أرحل
أرحل فين واسيب أوطاني.........؟!!؟
ممكن تقبل إني أرجعلك؟!!؟
وأسكن تاني في نفس الأرض؟!!؟
أرض الأحلام اللي بنيتها
ونسيت الأحلام ونسيتها
كنا بنسكن فيها زمان
وأما تضيق الدنيا علينا
كنا بنهرب من أحزانا
ونرجع ليها ونحضن بعض
ننسي حدود الكون والأرض
إنت نسيتني..........ونسيت صوتي؟!!؟
.... عندك حق
أنا عن نفسي ......... منيش فاكراه
طيب جاوب علي أسئلتي
رافض ضعفي؟..........ولا قابلنى؟!؟
صوتك فين؟............ ليه مش سمعاه؟!!؟


مين بينادي علي الأموات؟!!؟
وفاكرهم سامعين لنداه؟!!؟
.....مالك عند القبر بتبكي
وبتترعشي............. وليه حضناه؟!!؟


يظهر إني بكيت متأخر
ضاع الحلم ومش لقياه
شاب العمر .... وماتت روحه
فكرك هقدر تاني أحياه؟!!؟


غفران إيه اللي من الموتي ...؟!!؟
ووطن إيه منهم عاوزاه ؟!!؟


موتي في حضنه ....... بعد مايغفر
هو الوطن اللي أنا طلباه
يمكن مش قابل يسامحني
وانا من غيره لسه ف قلبي
نبض وعمر وراضيه أحياه؟!!؟
لو تقدر أرجوك تساعدني
وتخليني أسكن وياه ؟!!؟


09‏/01‏/2007

علي شفتيك


علي شفتيك _منذ عهود_قد دونت أبياتي

وسطرت الهوي لحناً علي أنغام دقاتي

فهم ديوانا عشاق

وهم كبحور اشواقٍ

فهل لي بعض ترحالٍ......بذاك البحر_مولاتي_؟؟

فأنسي الأرض والتقويم....وينسي الصوت نبراتي

ويمضي العمر ساعاتٍ.........اذا ذبتي باّهاتي

لأن لديك أوطاني......فضميني

وضمي إليك أشواقي وزفراتي

فبين ضلوعك الخضراء سيدتي........ لكم أديت صلواتي

فهم محراب أحلامي..........ونهراً من خيالات

فليس الحب يكفيني.......ولا أرضي بكلماتي

سأبحث في لغات العشق عن لغةٍ

فأكتبها.................. حكاياتي

.............. فكيف سأكتب التاريخ في أنثي

بعينيها عصور من حضارات

فلا تكفيها أهرامٌ فأصنعها

ولاتوصف بنقشٍ في جداراتي

علي شفتيك _سيدتي_ أنا دونت أبياتي

فهل لي ألاّن _في حبٍ_بأن أقرأ كتاباتي؟؟!!؟

08‏/01‏/2007

جوا حضنك


ضمني وخليك مسافر بين ضلوعي

قد عمري............ قد عمرك

ولا اقولك؟؟ ......... قد ماتكفيك دموعي

دوب في جلدي

وخلي جلدك يحتويني

نفسي أحسك جوا حضني

واما اضمك........... نفسي أحس إن إنت مني

نفس أسكن بين ضلوعك قد ما أقدر

نفسي أتوه لحد ما أكبر

قد نهر النيل وأكبر

إبقي مني ......... لو هتقدر

........... جوا حضنك

نفسي أنسي الكون ومواله الحزين

نفسي أرجع طفلة وأهرب م الجراح ومن الأنين

أنسي إسمي ويوم ميلادي وأبقي مين

نفسي أرجع أتولد منك جنين

.............. لو هتقدر

ضمني وخليك في حضني قد ماتكفيك سنين

06‏/01‏/2007

قد لا أسامح


...........ها أنت تلقاني بوجهٍ
قد غفت فيه الملامح
والقلب مابين الحنايا يحتضر
ويضيع صوت النبض في صمت الجوانح
......... ها أنت تسألني حنيني بعدما
علمت قلبي في الهوى ألا يسامح
فإمضي بأعذارك بعيداً_سيدي_0
قلبي الذي قد كان عصفوراً ......قسا
ولقد تعلم من قوانين الجوارح

05‏/01‏/2007

..........إليه


أسطورة بالحب أنت....."معلمي"0
وطني وقنديلي وعطر محارمي
بل فارس قد ضل _يوماً_ عن حكايا شهرزاد
وأتي علي عجل ليملك عالمي
أهديك أوصالي وقلبي_سيدي_0
إن لم يكن يكفيك وطنُ في دمي

04‏/01‏/2007

خاطرة


ياسندباد القلب عهدك خاطرة
سرعان ماتهفو بقاع الذاكرة
قد كنت في عمري مجرد حالة
يوماً سأرويها كأي مغامرة
أخطأت حين حسبت حبك جامحاً
أخطأت حين حسبت قلبك فاتحاً
اليوم ترحل في قلوعٍ خاسرة
اليوم أدرك أنني أخطأت طوعاً في القدر
وعشقت عيناً ماكرة

02‏/01‏/2007

إليكم


ضاقت الكلمات مني والمعاني
ضاق صوتي بالنداء وبالأغاني
حتي أناشيد التوحد _سادتي_0
أبت الخروج وجُمدت بلساني
ثارت عليّ بحور أشعار العرب
ثارت مقالاتي وأبياتي وحاصرها الغضب
الاّن أعلن أنني........." من لون جلدي أنسحب"0
لا.....لن تفيد بصمتكم صرخاتي
ماذا سيجدي الصوت في الأموات؟!!؟؟
ماذا سيجدي إن وهبت لبعثكم.....
قلمي وصوتي....أو وهبت حياتي؟!!؟؟
أنتم كما أنتم .....فقدتم نبضكمم
فلماذا أعتلك المرار بذاتي ؟!!؟
أدوا فروض ولائكم ....بل وإركعوا
عودوا بذلتكم لعهد " اللات"0
إبقوا كما أنتم وعيشوا قدرما
يلقون في الأجواف بعض فتات
إن كنت منكم ....... فأنا نسيت عروبتي
ولسوف أكتبها علي السموات........
أنا لست منكم
بل ليس فيكم موطني
أنا لست من وطنٍ بلا ثورات

عيد الضحية







قال جانا عيد
إيه الجديد؟؟

والهم لسة والملل

وإزاي بنتمناه سعيد

ووجعنا عايش في الوريد

لأ...والعلل زادت عللل

فيه اللي صلي في الحصار


واللي أدانه ضرب نار


واللي بلع همه ومراره وإنخرس


وكأنه صوته قبل مايصبح جرس....


من كتر طعم الصبر أدمن الإنتحار


اللي سكتوا لسه جوا في الجحور


واللي فوقنا حبوا ييجوا يكرمونا.....


قاموا سنوا لنا الساطور

عدموا شعب وألف غيره...


لسه واقف ف الطابور


اللي عاشق للسكات


واللي قاعد يحكي عن عمره اللي فات


زاحم الجرنان بصوره وبدموع الذكريات


اللي داخل في إجتماع


واللي خارج من مفاوضة


واللي بيصدق وعود واللي واكل م الأونطة


كل واحد جي دوره.....كله نازل في المحطة


كل واحد ليه سيناريو.......وكل واحد لازمه خطة


اللي من غيرهم يتوه.........


واللي خايف لو نطق.....ييجوا عنده يشرفوه


والل خايف وسط عهده....إنه يخسر عز أبوه


اللي ساكت بالمعونة.....


واللي ساكت بالمصالح.....


واللي ييجي يثور نقول" هو عامل نفسه فالح؟؟""


شعب متجرح بينزف


والغيلان عمالة تحلف.....


إنه مذنب لا محالة


_ جلادين بإسم العدالة_


وإحنا بنأمن وراهم


موهومين بنعيم رضاهم


وإحنا عارفين إن دورنا جاي أكيد


لأ ولسة لينا نفس نقول ياعيد!!


وأما لقيونا بنبلع..قاموا بعتولنا العيدية


وإحنا بنهلل ونهتف..........


لسة بايعين القضية

بس أنا دلوقتي فاهمة هما ليه سموه -جدودنا

من زمان.............." عيد الضحية"0